19.08.2026 | 15:19
Մոսկվայում և Մոսկվայի մարզում նավթային ընկերությունների բենզալցակայանները սահմանափակել են բենզինի վաճառքը
ՄԱԿ-ը հայտարարել է 10 միլիոն ուկրաինացի փախստականի մասին
Քաղաքականություն
04.08.2022 | 21:47
Պատերազմի ընթացքում Ուկրաինայից տարհանվել է 10.350.489 մարդ։ Նման տվյալներ է ներկայացրել ՄԱԿ-ի փախստականների հարցերով գործակալությունը։
Ավելի քան 5 միլիոն մարդ գնացել է Լեհաստան, մոտ 1 միլիոն՝ Հունգարիա, նույնքան էլ՝ Ռումինիա և Գերմանիա։ Շուրջ 2 միլիոն մարդ էլ հայտնվել է Ռուսաստանում, ավելի քան 1 միլիոնը՝ Հունգարիայում, մոտ 964 հազարը՝ Ռումինիայում։ 471 հազար ուկրաինացի փախստական մեկնել է Սլովակիա, 557 հազարը՝ Մոլդովա։
«Սա Երկրորդ համաշխարհային պատերազմից ի վեր տեղահանման ամենամեծ ճգնաժամերից մեկն է, նաև՝ ամենաարագը», – ասված է Փախստականների գործակալության վերջին զեկույցում:
Ընդհանուր առմամբ, փետրվարի վերջից ավելի քան 10,3 միլիոն ուկրաինացի կամ երկրի բնակչության մոտ մեկ քառորդը լքել են իրենց տները (ըստ Ուկրաինայի Ֆինանսների նախարարության՝ 2022 թվականի հունվարի 1-ի դրությամբ երկրում բնակվում էր գրեթե 41,2 միլիոն մարդ)։ Միաժամանակ, փետրվարի 28-ից ի վեր մոտ 4,2 մլն սահմանային անցում է եղել դեպի Ուկրաինա։
Հիշեցնենք, որ Պրահայում փակվել է Ուկրաինայից փախստականների համար նախատեսված վրանային ճամբարը՝ ժամանակավոր կացարանի կարիք ունեցող մարդկանց թվի նվազման պատճառով։
Հաղորդվել է նաև, որ Գերմանիայում գրանցված է ավելի քան 900 հազար ուկրաինացի փախստական։
Տաթև Ֆռանգյան
