07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
ՌԴ ՊՆ-ն արձանագրել է՝ Ադրբեջանի ԶՈՒ-ն խախտել է հրադադարի ռեժիմը Լեռնային Ղարաբաղում
Քաղաքականություն
03.08.2022 | 20:53
Լեռնային Ղարաբաղում ռուսական խաղաղապահ զորակազմի պատասխանատվության գոտում իրավիճակի սրացում է նկատվում։ Այս մասին ասվում է ՌԴ Պաշտպանության նախարարության հրապարակած՝ Լեռնային Ղարաբաղում ռուսական խաղաղապահ զորակազմի գործունեության մասին ամենօրյա ամփոփագրում։
Ռուսական պաշտպանական գերատեսչությունն արձանագրել է, որ հրադադարի ռեժիմը խախտել է ադրբեջանական կողմը։
«Իրավիճակը զորախմբի պատասխանատվության գոտում սրվել է. Սարիբաբա բարձունքում հրադադարի պահպանման ռեժիմը խախտվել է Ադրբեջանի Զինված ուժերի կողմից։ Ռուսական խաղաղապահ զորախմբի հրամանատարությունը, ադրբեջանական և հայկական կողմերի ներկայացուցիչների հետ համատեղ, միջոցներ է ձեռնարկում՝ իրավիճակը կայունացնելու համար»,- ասվում է ՌԴ ՊՆ հաղորդագրությունում։
Ռուսական կողմը, սակայն, ոչինչ չի նշում անօդաչուներով հասցված հարվածների մասին, որի մասին նույնիսկ Ադրբեջանի ՊՆ-ն է հայտարարել։
Հիշեցնենք՝ Արցախի ՊԲ-ն հայտնել է Լեռնային Ղարաբաղում ադրբեջանական զինված ստորաբաժանումների ռազմական սադրանքի հետևանքով 2 զոհի և 14 վիրավորի մասին։
