13.03.2026 | 20:22
Թրամփը հայտարարել է, որ ԱՄՆ-ը հաջորդ շաբաթ ուժեղ հարված կհասցնի Իրանին
Ադրբեջանի հարձակումից ՊԲ-ն կորուստներ ունի․ ՀՀ ԱԽ քարտուղարը՝ Լաչինի միջանցքի մասին․ Լուրեր
Քաղաքականություն
03.08.2022 | 16:33
- Օգոստոսի 3-ին, ժամը 09։00-ից սկսած, ադրբեջանական ստորաբաժանումները կոպիտ կերպով խախտել են հրադադարի ռեժիմը Արցախի առաջնագծում՝ ՊԲ դիրքերի ուղղությամբ կիրառելով նռնականետեր և ԱԹՍ-ներ: Արցախի ՊԲ-ից հայտնել են, որ ժամը 15:00-ի սահմաններում ադրբեջանցիները Արցախի հյուսիս-արևմտյան ուղղությամբ կիրառել են հարվածային ԱԹՍ-ներ, ինչի հետևանքով Արցախի ՊԲ 1 զինծառայող զոհվել է։ Ընդհանուր 8 զինծառայող վիրավորում է ստացել այսօրվա մարտերի ընթացքում, վիրավորներից մեկի վիճակը գնահատվում է ծանր։ Մինչ այդ ՊԲ-ից հայտնել էին, որ Արցախի խաղաղապահ առաքելություն իրականացնող ՌԴ զորախմբի հետ միջոցներ են ձեռնարկվում իրադրությունը կայունացնելու ուղղությամբ։
- ՀՀ ԱԽՔ Արմեն Գրիգորյանը հայտնել է, որ Արցախը Հայաստանի հետ կապող երթևեկությունը Լաչինի միջանցքի փոխարեն այլ երթուղով կազմակերպելու Ադրբեջանի պահանջը լեգիտիմ չէ: Գրիգորյանն ասել է, որ 2020 թվականի նոյեմբերի 9 փաստաթղթով նոր երթուղին պետք է համաձայնեցվի երեք կողմերի միջև, իսկ Հայաստանը որևէ երթուղու համաձայնոթյուն այս պահին չի տվել։
- Երևանի ընդհանուր իրավասության դատարանի Կենտրոնի նստավայրում այսօր՝ օգոստոսի 3-ին, դատավոր Մնացական Մարտիրոսյանի որոշմամբ հասարակական-քաղաքական գործիչ Ավետիք Չալաբյանը կրկին կալանավորվեց, այս անգամ՝ երեք ամսով։ Մեղադրող կողմը պահանջում էր գրավի դիմաց ազատ թողնել Չալաբյանին։
Այս ժամի լուրերը՝ տեսանյութում։
