07.10.2026 | 22:05
Վրաստանի կրթության, գիտության և երիտասարդության նախարարի հետ քննարկվել են համագործակցության հեռանկարները
Ադրբեջանի ԶՈՒ-ն կիրառում է նռնականետներ և ԱԹՍ-ներ․ վիրավորում է ստացել 7 զինծառայող․ Արցախի ՊՆ
03.08.2022 | 15:26
Օգոստոսի 3-ին, ժամը 09։00-ից սկսած, ադրբեջանական ստորաբաժանումները կոպիտ կերպով խախտել են հրադադարի ռեժիմը՝ ՊԲ դիրքերի ուղղությամբ կիրառելով նռնականետներ և ԱԹՍ-ներ, ինչի հետևանքով վիրավորում է ստացել 7 զինծառայող, որից 6-ի կյանքին վտանգ չի սպառնում, մյուս վիրավորի վիճակը գնահատվում է ծանր․ տեղեկացնում են ԱՀ ՊՆ մամուլի ծառայությունից։
«Արցախի Հանրապետությունում խաղաղապահ առաքելություն իրականացնող ՌԴ զորախմբի հետ միջոցներ են ձեռնարկվում իրադրությունը կայունացնելու ուղղությամբ»,- ասված է ՊԲ-ի հաղորդագրության մեջ։
Հիշեցնենք՝ իրավիճակն Արցախի շփման գծում լարվել էր դեռևս օգոստոսի 1-ին։ Ըստ ԱՀ ՊՆ-ի հաղորդագրության՝ օգոստոսի 1-ին, ժամը 09:00-ից սկսած, Արցախի Հանրապետության հյուսիսային և հյուսիս-արևմտյան սահմանագոտու մի շարք հատվածներում ադրբեջանական ստորաբաժանումները դիմել էին սադրանքի՝ կատարելով շփման գիծը հատելու փորձեր, որոնք կասեցվել էին ՊԲ ստորաբաժանումների ուժերով: Կատարվածի մասին տեղեկատվություն էր տրամադրվել ռուսական խաղաղապահ զորակազմի հրամանատարությանը։
