«Մեր քթի տակ զենքեր են տեղակայում»․ Թուրքիայի ՊՆ ղեկավարը կրկին սպառնացել է Հունաստանին

Թուրքիայի ԱԳ նախարար Հուլուսի Աքարը Հունաստանին սպառնացել է կանխարգելիչ քայլերով, եթե Աթենքը Էգեյան ծովում  սեփական կղզիների ապառազմականացում չիրականացնի, գրում է Keep Talking Greece լրատվականը։

«Արդյո՞ք մեր քթի տակ զենքերի տեղակայումը չի սպառնում մեր երկրին։ Դա ինքնապաշտպանության իրավունք չի ստեղծում»,- ասել է Աքարը։

Միևնույն ժամանակ, նա Հունաստանին մեղադրել է Անկարայի դեմ ագրեսիվ հռետորաբանության մեջ՝ պնդելով, որ նրա պաշտպանական բյուջեի ավելացումը ցույց է տալիս, որ Թուրքիայի դեմ ինչ-որ բան է պատրաստվում։

«Նրանք Թուրքիայի դեմ յուրովի հաշվարկի մեջ են։ Հինգ անգամ ավելացվել է ռազմական բյուջեն»,- ասել է Աքարը՝ նշելով, որ Հունաստանն ամեն ինչ անում է՝ Թուրքիային զենքի վաճառքը կանխելու համար։

«Հունաստանը ոչ միայն գնացել է ԱՄՆ՝ ասելու, որ մեզ չվաճառեն F-16-երը, նրանք նաև Գերմանիային են խնդրել մեզ սուզանավեր չտալ»,- հայտարարել է Աքարը։

Նա մեղադրել է նաև Հունաստանի վարչապետ Կիրիակոս Միցոտակիսին և արտաքին գործերի նախարար Նիկոս Դենդիասին «ագրեսիվ հռետորաբանություն և ագրեսիվ գործողություններ օգտագործելու համար՝ փչացնելու հնարավոր դրական մթնոլորտը, որը կարող է ստեղծվել երկու երկրների միջև»:

Հիշեցնենք, որ վերջին շրջանում կտրում լարված են Անկարայի և Աթենքի հարաբերությունները։ Թուրքիան պարբերաբար սպառնում է Հունաստանին։ Նախագահ Ռեջեփ Թայիփ Էրդողանը նույնիսկ հայտարարել էր, որ վարչապետ Կիրիակոս Միցոտակիսն իր համար «այլևս գոյություն չունի», և նրան մեղադրել ԱՄՆ կատարած այցի ժամանակ Թուրքիային F-16 կործանիչների վաճառքն արգելափակելու փորձի մեջ։

Էմմա Չոբանյան