14.12.2024 | 19:57
Ինչ իրավիճակ է ճանապարհներին 19։35-ի դրությամբ
Փաշինյան-Պուտին զրույց Արցախի թեմայով․ ՀՀ-ն Ադրբեջանի դեմ նոր գանգատ է ներկայացրել ՄԻԵԴ․ Լուրեր
02.08.2022 | 19:05
- ՀՀ վարչապետ Նիկոլ Փաշինյանը հեռախոսազրույց է ունեցել ՌԴ նախագահ Վլադիմիր Պուտինի հետ։ Քննարկվել են 2020 թվականի նոյեմբերի 9-ին, 2021 թվականի հունվարի 11-ին և նոյեմբերի 26-ին Ռուսաստանի, Հայաստանի և Ադրբեջանի ղեկավարների միջև Լեռնային Ղարաբաղի վերաբերյալ եռակողմ պայմանավորվածությունների կատարման որոշակի գործնական ասպեկտներ։ Պայմանավորվածություն է ձեռք բերվել շարունակել շփումները տարբեր մակարդակներով։
- Հուլիսի 27-ին Հայաստանը Մարդու իրավունքների եվրոպական դատարան է ներկայացրել նոր միջպետական ամբողջական գանգատ ընդդեմ Ադրբեջանի։ Նշված գանգատը, ի թիվս այլնի, վերաբերում է 2022 թվականին Ադրբեջանի կողմից Արցախի Հանրապետության Խրամորթ և Փառուխ գյուղերի ուղղությամբ ձեռնարկված ագրեսիայի հետևանքով քաղաքացիական բնակչության իրավունքների խախտմանը։
- Ազգային ժողովի «Հայաստան» խմբակցությունից իրարամերժ պատասխաններ են տալիս այսօր մամուլում հրապարակված այն տեղեկությունների վերաբերյալ, թե քննարկում են պատգամավորական մանդատներից հրաժարվելու հարցը։ Ըստ հրապարակման՝ ոչ միայն գործող, այլ նաև ցուցակում ներառված, բայց խորհրդարան չանցած թեկնածուները ևս պետք է հրաժարվեն մանդատները վերցնել։ «Հայաստան» խմբակցության պատգամավոր, դաշնակցական Գեղամ Մանուկյանը Factor.am-ի հետ զրույցում տեղեկությունը ո՛չ հերքեց, ո՛չ հաստատեց, ասաց, որ թեման չի մեկնաբանում։
- Այսօր լրանում է Նիկոլ Փաշինյանի վարչապետության մեկ տարին՝ 2021 թվականի արտահերթ ընտրություններից հետո։ Այսօրվանից խորհրդարանը Փաշինյանին անվստահություն հայտնելու լիազորություններ է ստանում։
Այս ժամի լուրերը՝ տեսանյութում։
