30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Արցախում վիրավորված զինծառայողի կյանքին վտանգ չի սպառնում․ ԿԲ-ն բարձրացրեց տոկոսադրույքը․ Լուրեր
Քաղաքականություն
02.08.2022 | 13:02
- Արցախի շփման գծում երեկ վիրավորում ստացած ՊԲ զինծառայող Ալբերտ Բախշիյանի վիճակը բավարար է: Նրա կյանքին վտանգ չի սպառնում․ տեղեկացնում են Արցախի ՊՆ-ից։ Հիշեցնենք, որ երեկ առավոտյան ժամը 09:00-ից սկսած Արցախի շփման գծի հյուսիսային և հյուսիս-արևմտյան մի շարք հատվածներում ադրբեջանական ստորաբաժանումները փորձել են հատել շփման գիծը։ Այդ փորձերը կասեցվել են ՊԲ ստորաբաժանումների ուժերով: Օգոստոսի 1-ի լույս 2-ի գիշերը և առավոտյան 9:00-ի դրությամբ, իրադրությունը շփման գծում էական փոփոխությունների չի ենթարկվել:
- Կենտրոնական բանկի խորհուրդն այսօրվա որոշումով բարձրացրել է վերաֆինանսավորման տոկոսադրույքը 0,25 տոկոսային կետով՝ 9,25 տոկոսից հասցնելով 9,5 տոկոսի։
- Բարձրագույն դատական խորհուրդը Վերաքննիչ քրեական դատարանի նախագահ է ընտրել դատավոր Մխիթար Պապոյանին: Մինչ այդ, հուլիսի 18-ին լրացել էր Վերաքննիչ քրեական դատարանի՝ արդեն նախկին նախագահ Տիգրան Սահակյանի 65 տարեկանը։
Այս ժամի լուրերը՝ տեսանյութում։
