04.06.2026 | 10:20
Խուզարկություններ՝ 50-ից ավելի հասցեներում
«Ամեն ինչ գտնվում է մեր ԶՈւ-ի վերահսկողության ներքո»․ Դավիթ Բաբայանը՝ Արցախում տիրող իրավիճակի մասին
01.08.2022 | 21:23
Արցախի Հանրապետության արտգործնախարար Դավիթ Բաբայանը ֆեյսբուքյան գրառմամբ անդրադարձել է Արցախի սահմանային գոտիներում տիրող իրավիճակին՝ նշելով, որ անհանգստանալու կարիք չկա։
«Խոսելով Արցախում տիրող իրավիճակի մասին, ասեմ, որ անհանգստանալու եւ խուճապի մատնվելու կարիք չկա, ամեն ինչ գտնվում է մեր զինված ուժերի վերահսկողության ներքո․ Միայն խնդրում եմ հետեւել բացարձակապես պաշտոնական լրահոսին եւ սադանքների չտրվել»,-գրել է Բաբայանը։
Հիշեցնենք, որ օգոստոսի 1-ին՝ ժամը 09:00-ից սկսած, Արցախի Հանրապետության հյուսիսային և հյուսիս-արևմտյան սահմանագոտու մի շարք հատվածներում ադրբեջանական ստորաբաժանումները դիմել են սադրանքի՝ կատարելով շփման գիծը հատելու փորձեր, որոնք կասեցվել են ՊԲ ստորաբաժանումների ուժերով:
ԱՀ ՊՆ մամուլի ծառայությունը տեղեկացրել էր, որ հայկական կողմից կորուստներ չկան: Իրադրությունը շարունակում է մնալ լարված: Կատարվածի մասին հանգամանալից տեղեկատվություն է տրամադրվել ռուսական խաղաղապահ զորակազմի հրամանատարությանը:
