06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Սեպտեմբերի 25-ին նախատեսվում են ընտրություններ ՀՀ 8 մարզերի 18 համայնքներում
Քաղաքականություն
01.08.2022 | 15:33
2022թ․ սեպտեմբերի 25-ին նախատեսվում են ընտրություններ ՀՀ 8 մարզերի 18 համայնքներում (Կից ԿԸՀ հրապարակած ցանկը)։
««Անկախ դիտորդ» դաշինքը շուտով կմեկնարկի դիտորդության հայտերի ընդունումը։
Մինչ այդ տեղեկացնենք, որ առաջիկա ընտրություններին որպես թեկնածու մասնակցելու համար․
Համամասնական ընտրակարգով անցկացվող համայնքների ավագանիների ընտրությունների դեպքում կուսակցությունների, կուսակցությունների դաշինքների ընտրական ցուցակների առաջադրման համար անհրաժեշտ փաստաթղթերը համապատասխան ընտրատարածքային ընտրական հանձնաժողով պետք է ներկայացվեն 2022 թ․ օգոստոսի 11-ից մինչև օգոստոսի 21-ը՝ մինչև ժամը 18:00-ն։
Իսկ Արագածոտնի մարզի Ալագյազ համայնքի ընտրությունների դեպքում համայնքի ղեկավարի և ավագանու անդամների թեկնածուների առաջադրման և գրանցման համար անհրաժեշտ փաստաթղթերը համապատասխան ընտրատարածքային ընտրական հանձնաժողով ներկայացվում են՝ 2022 թվականի օգոստոսի 21-ից մինչև օգոստոսի 26-ը՝ մինչև ժամը 18:00-ն»,- ասված է «Անկախ դիտորդ»-ի տարածած հաղորդագրությունում։
