09.10.2026 | 13:00
ԱՄՆ-ում նախկին զինվորականի մահապատիժը կհեռարձակվի ուղիղ եթերում
Թուրքիայի ՊՆ ղեկավարը դժգոհել է Հունաստանի ռազմական բյուջեի ավելացումից ու նշել, որ ԱՄՆ-ում նոր հանդիպում տեղի կունենա F-16-երի վաճառքի հարցով
Քաղաքականություն
01.08.2022 | 22:55
Թուրքիայի պաշտպանության նախարար Հուլուսի Աքարը «Անադոլու» գործակալությունում լրատվամիջոցների խմբագիրների հետ զրույցում անդրադարձել է նաև Վաշինգտոնի կողմից F-16-երի ու դրանց արդիականացման սարքավորումների վաճառքին թեմային։
«Թուրքիայի ուժը ՆԱՏՕ-ի ուժն է, այսինքն՝ թուրքական բանակի ամրացումը կուժեղացնի դաշինքի հնարավորությունները։ ԱՄՆ-ում օգոստոսի 15-ին կրկին քննարկումներ կանցկացվեն F-16-երի հարցով։ Ամերիկյան կողմը դրական է տրամադրված տվյալ հարցի շուրջ և գիտակցում է թեմայի կարևորությունը»,- ասել է Աքարը։
Նրա խոսքով՝ Անկարան ԱՄՆ-ից F-16-երի մատակարարման շուրջ բանակցությունների դրական արդյունքի հույս ունի։ Հակառակ դեպքում, ըստ Աքարի, «աշխարհում բազմաթիվ այլընտրանքներ կան և չեն բացառվում նոր որոշումները»։
Թուրքիայի ՊՆ ղեկավարը խոսել է նաև Հունաստանից՝ նշելով, որ Աթենքը փորձում է Անկարայի շահերին վնաս հասցնել։ Նա շեշտել է, որ Աթենքի ռազմական բյուջեն աճել է 5 անգամ։
«Մենք ասում ենք՝ սա քիչ է Թուրքիայի ու թուրքական բանակի դեմ, սակայն շատ է Հունաստանի պաշտպանության համար»,-ասել է Աքարը։
Հիշեցնենք, որ ԱՄՆ Ներկայացուցիչների պալատն ավելի վաղ ընդունել էր 2023 թվականի Ազգային պաշտպանության վավերացման ակտում չորս փոփոխությունները, որոնցից մեկը վերաբերում է F-16-ի վաճառքի սահմանափակումներին։
Էմմա Չոբանյան
