17.06.2026 | 01:30
ԱԱ-2026․ Ֆրանսիան մեկնարկեց հաղթանակով, Մբապեի դուբլը. ՏԵՍԱՆՅՈՒԹ
Ոստիկանության կառուցվածքային լուրջ փոփոխությունների ենք գնալու․ փոխնախարարը՝ ՆԳՆ ստեղծման մասին․ ՏԵՍԱՆՅՈՒԹ
Քաղաքականություն
29.07.2022 | 14:41
«Ոստիկանությունն այսօր վարչապետին ենթակա մարմին է, Ոստիկանություն- վարչապետ ուղիղ հարաբերակցություն ունենք: ՆԳՆ ձևավորմամբ Ոստիկանությունը կդառնա նախարարությանը ենթակա պետական մարմին, վարչապետը, նախարարը և ոստիկանապետն ունենալու են հստակ դերաբաշխումներ ու լիազորություններ»,- «Ոստիկանությունը, ԱԻՆ-ը և Միգրացիոն ծառայությունը ներքին գործերի նախարարության ներքո. ի՞նչ կփոխի նոր համակարգը» թեմայով քննարկման ժամանակ այս մասին նշեց Արդարադատության փոխնախարար Արփինե Սարգսյանը:
Նրա խոսքով՝ դեռևս շատ անելիքներ կան. «ՆԳՆ ստեղծումից և նախարարի նշանակումից հետո պրոցեսի մեկնարկը կտրվի, դրանից հետո պետք է հաստատվի կանոնադրությունը և հստակ տարանջատվեն գործառույթները»:
Փոխնախարարի տեղեկացմամբ՝ այս պահին ուսումնասիրվում են ԱԻՆ-ի, Ոստիկանության և Միգրացիոն ծառայության կառուցվածքները, որպեսզի ոլորտային բարեփոխումների սկզբունքները պահպանվեն ՆԳՆ ստեղծման ընթացքում: Նրա խոսքով՝ նախատեսվում են Ոստիկանության կառուցվածքային լուրջ փոփոխություններ:
Մանրամասները՝ տեսանյութում:
