«Էս սարն իմն է, էս քարն իմն է»․սկանդալ՝ գործարարի և կինոգործիչների միջև, կռվախնձորը բակի տարածքն է․ՏԵՍԱՆՅՈՒԹ

Լուրեր

16.11.2026 | 09:38
Վահան Բիչախչյանը «Լեգիայի» կազմում գոլ է խփել երկրորդ խաղում անընդմեջ. ՏԵՍԱՆՅՈՒԹ
16.11.2026 | 09:30
Երևանի քաղաքապետարանի գործակարգավարական խորհրդակցությունը. ՈՒՂԻՂ
15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
Բոլորը

Հայաստանի կինոգործիչների միությունն արդեն մի քանի անգամ ահազանգել է, որ դեռևս 2013-ին, ժամանակի քաղաքային իշխանությունների կողմից, ըստ կինոգործիչների` կեղծիքներով օրինականացվել է գոյություն չունեցող, իբր, ինքնակամ շինություն։ Խոսքը Վարդանանց 18/4 հասցեում գտնվող և Կինոմիության սեփականությունը հանդիսացող Կինոյի տան ծառապատ ներքին բակում՝ ձմեռային այգում, ընդհանուր բաժնային սեփականություն հանդիսացող տարածքի մասին է։ Արդեն 2021-ին քաղաքային նոր իշխանությունների օրոք տրվել է ռեստորան-գարեջրատուն կառուցելու շինթույլտվություն: Կինոգործիչների ասուլիսը հենց այս թեմայով էր, դրան հետևեց սկանդալ` կինոգործիչների և գործարար, «Լաբիրինթ» գարեջրային ռեստորանների ցանցի սեփականատեր Հրաչյա Ատոմյանի միջև: Վերջինս նույնիսկ զանգահարեց ոստիկանություն, իր ձևակերպմամբ, «իր տարածք ներխուժած անձանց հեռացնելու նպատակով»:

Իսկ կինոգործիչներն ահազանգում են, որ դեռևս մայիսին Վարչական դատարանի որոշմամբ` կասեցվել է Կինոյի տան ներքին բակում կառուցվող գարեջրատան շինարարությունը, սակայն Երևանի քաղաքապետարանն անտեսում է դատարանի որոշումը, և շինարարությունը մեծ թափով շարունակվում է: Նրանց խոսքով` ծառահատված բակն արդեն բետոնապատվել է, իսկ իրենց ահազանգերը քաղաքապետարանի թեժ գիծ անարդյունք են:

«Արդեն հասկացանք, որ մեզ ոչ ոք բանի տեղ չի դնում, վերջին նամակը գրեցինք վարչապետին․ դա մեր վերջին հույսն է»,-ասում է Կինոգործիչների միության նախագահ Հարություն Խաչատրյանը։ Երբ Կինոմիության անդամները ներկայացրեցին իրենց դժգոհությունները, ապա լրագրողների հետ իջան Կինոյի տան ներքին բակ, Հրաչյա Ատոմյանը մոտեցավ և ցույց տվեց մի փաստաթուղթ, որի մասին Կինոմիության փաստաբանը տեղյակ չէր։ Ըստ այդ փաստաթղթի՝ վարչական դատարանը որոշել է վերացնել շինարարությունը կասեցնելու մասին ավելի վաղ կայացված որոշումը:

Գարեջրատան սեփականատերը պարզաբանում է, որ կռվախնձոր դարձած տարածքը ձեռք է բերել 2019-ի նոյեմբերին, այն կազմում է շուրջ 700 քմ: Նա պնդում է, որ Կինոմիության նախկին ղեկավարությունը շինարարության հետ կապված տվել է իր համաձայնությունը, իսկ հիմա, երբ ղեկավարությունը փոխվել է, կանգնել են փաստի առաջ: Նա դեռ վերջնականապես չի որոշել` տվյալ տարածքն ինչպես է օգտագործելու. գուցե վարձակալությամբ տա բանկին, կառուցի խանութ կամ ռեստորան:

Երևանի քաղաքապետարանի լրատվության վարչությունից Factor TV-ին պարզաբանեցին, որ չկա որևէ փաստական տվյալ այն մասին, որ Վարդանանց 18/4 հասցեում շինարարության կասեցման որոշմանը զուգահեռ, այնուամենայնիվ, շինարարություն է իրականացվել: Ըստ քաղաքապետարանի` կինոգործիչների դժգոհությունները էմոցիոնալ բնույթ են կրում, իսկ տվյալ տարածքում իրականացվող շինարարությունն օրինական է: Միությունից ասում են՝ իրենց մնում է միայն դիմել միջազգային ատյաններին:

Մանրամասները՝ տեսանյութում։

Աննա Բաբաջանյան