23.03.2026 | 23:28
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
Պետդեպի խոսնակը` Փաշինյանի և Ալիևի հետ զրույցների մասին. դատավորները ԲԴԽ անդամ են ընտրում. Լուրեր
Քաղաքականություն
27.07.2022 | 16:03
- ԱՄՆ Պետքարտուղարության մամուլի խոսնակ Նեդ Փրայսը նախօրեին ճեպազրույցում անդրադարձել է պետքարտուղար Էնթոնի Բլինքենի՝ Հայաստանի ու Ադրբեջանի ղեկավարի հետ հեռախոսազրույցներին։ Նա նշել է, որ հաջողվել է, որ որոշակի առաջընթացի հասնել։ Փրայսն ասել է. «Մենք Մինսկի խմբի համանախագահ ենք 1994թ-ից, սակայն ինչպես ցույց ենք տվել, մենք նաև պատրաստ ենք գործակցել երկրների հետ երկկողմանի՝ օգնելու Հայաստանին ու Ադրբեջանին գտնել երկարաժամկետ, համապարփակ խաղաղություն»։
- Երևան քաղաքի ընդհանուր իրավասության դատարանի Աջափնյակ 1 նստավայրում մեկնարկեց Դատավորների ընդհանուր ժողովը: Ժողովին մասնակցում է ՀՀ-ի 268 դատավորներից 146-ը: Օրակարգում Բարձրագույն դատական խորհրդի դատավոր անդամի ընտրության հարցն է: Որպես ԲԴԽ անդամի թեկնածու առաջադրված են Սյունիքի մարզի ընդհանուր իրավասության դատարանի դատավոր Անահիտ Թումանյանը, Շիրակի մարզի ընդհանուր իրավասության դատարանի դատավոր Լիլիթ Խաչատրյանը, Երևանի ընդհանուր իրավասության դատարանի դատավորներ Նաիրա Հովսեփյանը և Գայանե Մազմանյանը:
- Հուլիսի 31-ից ուժի մեջ են մտնելու ակցիաների, այդ թվում՝ զեղչերի իրականացման վերաբերյալ կարգավորումները: Մրցակցության պաշտպանության հանձնաժողովի անդամ Տիգրան Մարկոսյանն այսօր մանրամասնել է, որ եթե զեղչ բառի կիրառումը կարգավորվելու է, և դա իրոք նշանակելու է զեղչ, ոչ թե իմիտացիա։
Այս ժամի լուրերը՝ տեսանյութում։
