15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Ինչ պայմաններով են մեքենավարները դադարեցրել գործադուլը․ Մետրոպոլիտենի պարզաբանումը
Հասարակություն
27.07.2022 | 11:31
Կարեն Դեմիրճյանի անվան Երևանի մետրոպոլիտենի մեքենավարները հուլիսի 27-ի առավոտյան ժամը 06:00-ից գործադուլ էին սկսել՝ պահանջելով աշխատավարձի բարձրացում։ Գործադուլի հետևանքով մետրոն չէր գործում, բոլոր կայարանների դռները փակ էին։ Շուրջ 3 ժամ անց՝ 09։30-ին մետրոպոլիտենի մամուլի ծառայությունից հայտնեցին, որ տնօրինության ու գործադուլավորների բանակցությունների արդյունքում մետրոյի բնականոն աշխատանքը վերականգնվել է։
Ի՞նչ պայմաններով են մեքենավարները վերադարձել աշխատանքի․ Factor.am-ը փորձեց պարզել մետրոպոլիտենի մամուլի քարտուղար Տաթև Խաչատրյանից։
«Մեքենավարները ներկայացրել են որոշակի պահանջներ, տնօրինությունը բանակցությունների ընթացքում խոստացել է մեքենավարների հետ քննարկել նրանց պահանջները»,- ասաց Խաչատրյանը։
Թե երբ ու որքանով կբարձրանան մեքենավարների աշխատավարձերը՝ մամուլի քարտուղարը դժվարացավ պատասխանել։ Նա նաև չհստակեցրեց, թե մեքենավարները որքան աշխատավարձ են ստանում՝ պատճառաբանելով, որ չափը տարբեր է՝ կախված գրաֆիկից։
Արփի Հակոբյան
