13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Մոսկվայի և Ադրբեջանի հարաբերություններում «մեղրամիս» է նկատվում․ Տիգրան Գրիգորյան․ ՏԵՍԱՆՅՈՒԹ
Քաղաքականություն
27.07.2022 | 11:22
«Ադրբեջանի միջազգային դերը մեծանում է, և խոսքը ոչ միայն ԵՄ հետ հարաբերությունների մասին է, այլ նաև Ռուսաստանի»,- «Գլոբալ զարգացումներ. մարտահրավերներին արձագանքելու ի՞նչ ներուժ ունի Հայաստանը» թեմայով այսօր հրավիրված ասուլիսում անդրադառնալով տարածաշրջանային զարգացումներին՝ այս կարծիքը հայտնեց քաղաքագետ Տիգրան Գրիգորյանը։
«Ադրբեջանի նշանակությունը Ռուսաստանի համար այս փուլում մեծացել է, որովհետև Մոսկվան փորձում է ինչ-որ այլընտրանքային շուկաներ փնտրել սեփական ապրանքների իրացման համար, քանի որ, ինչպես գիտենք, Արևմուտքի պատժամիջոցների պատճառով լուրջ խնդրներ են առաջացել: Ռուսաստանում ակտիվորեն աշխատում են Հյուսիս – Հարավ միջանցքի ակտիվացման ուղղությամբ, որն անցնում է նաև Ադրբեջանի տարածքով… Տեսնում ենք, որ Մոսկվայի և Ադրբեջանի հարաբերություններում «մեղրամիս» է նկատվում»,- նշեց Գրիգորյանը։
Քաղաքագետի դիտարկմամբ և՛ Ռուսաստանը, և՛ ԵՄ-ն գնում են Ադրբեջանի հետ հարաբերությունների սերտացման ուղղությամբ:
«Իսկ Հայաստանը հայտնվել է շատ բարդ իրավիճակում: Նույնիսկ ամենաակտիվ դիվանագիտական ջանքերի գործադրման պարագայում Հայաստանի համար նպաստավոր լուծումներ գոյություն չեն ունենալու: Ակնհայտ է, որ Ռուսաստանը շարունակելու է Հայաստանի շահերի հաշվին զիջումներ անել Ադրբեջանին: ԵՄ պաշտոնյաների հայտարարություններից երևում է, որ ԵՄ-ն ևս նպատակ չունի հարաբերությունների կարգավորումը արդար հիմքերի վրա դնելու»,- նշեց Գրիգորյանը՝ հավելելով, որ Հայաստանից շատ քիչ բան է կախված:
Մանրամասները՝ տեսանյութում:
