23.03.2026 | 22:23
Թուրքիան միացել է Եգիպտոսի և Պակիստանի՝ ԱՄՆ-Իրան ճգնաժամի կարգավորման միջնորդական ջանքերին. Axios
Ամերիկացիները չեն թաքցնում, որ Արցախում չեն ուզում տեսնել ռուս խաղաղապահներին․ քաղաքագետ․ ՏԵՍԱՆՅՈՒԹ
Քաղաքականություն
27.07.2022 | 11:03
«Ամերիկացիները չեն թաքցնում, որ իրենց նպատակը բոլոր ուղղություններով Ռուսաստանին ճնշելն է և Ռուսաստանի թուլացումը»,- «Գլոբալ զարգացումներ. մարտահրավերներին արձագանքելու ի՞նչ ներուժ ունի Հայաստանը» թեմայով այսօր հրավիրված ասուլիսում անդրադառնալով տարածաշրջանային զարգացումներին՝ այս կարծիքը հայտնեց քաղաքագետ Բենիամին Պողոսյանը:
«Ամերիկացների թիրախը Արցախում ռուս խաղաղապահներն են: Ամերիկացիները չեն էլ թաքցնում, որ իրենք շատ են ցանկանում, որ 2025 թվականի նոյեմբերից հետո Արցախում ռուս խաղաղապահներ չլինեն: Ի դեպ նրանք Արցախում տեղակայված ռուսական զորքերին խաղաղապահ չեն համարում, ասելով, որ խաղաղապահ կարող են համարվել միայն միջազգային մանդատ ունեցողները, իսկ երեք պետություների հայտարարությունը հիմք չէ ինչ-որ զորքերի հայտարարել խաղաղապահ: Ամերիկյան տրամաբանությամբ՝ ռուսական զորքերն օկուպացիոն ուժեր են:
Եվ Ադրբեջանն էլ Արևմուտքի հետ շփումներում այդ նարատիվն է առաջ տանում, և նրանք Արևմուտքին պարզ ասում են՝ եկեք օգնեք, ազատվենք ռուս օկուպանտներից: Միևնույն ժամանակ ռուսներին ասում են՝ եթե ուզում եք մնալ, պայմանները պետք է որոշակիորեն փոխվեն ի նպաստ Ադրբեջանի»,- նշեց Պողոսյանը՝ հավելելով՝ վստահ եմ՝ Ադրբեջան-Ռուսաստան բանակցություններ են ընթանում կամ քաղաքական առևտուր:
Մանրամասները՝ տեսանյութում:
