16.02.2026 | 23:24
Այրվել են պահեստային բաքերը և բեռնատար մեքենա. մանրամասներ Թալինի գազալցակայաններից մեկում բռնկված հրդեհից
Բլինքենը խոսել է Փաշինյանի ու Ալիևի հետ․ Էրդողանը՝ ՀՀ վարչապետի հետ զրույցի մասին․ Լուրեր
Քաղաքականություն
26.07.2022 | 13:41
- ԱՄՆ պետքարտուղար Էնթոնի Բլինքենը հեռախոսազրույցներ է ունեցել ՀՀ վարչապետ Նիկոլ Փաշինյանի և Ադրբեջանի ղեկավար Իլհամ Ալիևի հետ։ Բլինքեն-Փաշինյան քննարկման առարկա են դարձել, մասնավորապես, Հայաստան-Ադրբեջան խաղաղության բանակցություններին, ԼՂ հիմնախնդրի կարգավորմանը, տարածաշրջանային կոմունիկացիաների բացմանը, գերիների վերադարձին, անհետ կորած անձանց ճակատագրի պարզաբանմանը վերաբերող հարցեր:
- Զրուցակիցները քննարկել են նաև Հայաստան-Թուրքիա հարաբերություններում տեղի ունեցող գործընթացները: Պետքարտուղարը ողջունել է Հայաստանի վարչապետի և Թուրքիայի նախագահի ս/թ հուլիսի 11-ին տեղի ունեցած հեռախոսազրույցը և ԱՄՆ պատրաստակամությունն արտահայտել աջակցելու երկու երկրների հարաբերությունների կարգավորմանը:
- ԱՄՆ պետքարտուղարն ու Ադրբեջանի ղեկավարն էլ քննարկել են տարածաշրջանում խաղաղության հասնելու Ադրբեջանի և Հայաստանի «պատմական հնարավորությունը»։ Պետքարտուղարը վերահաստատել է Միացյալ Նահանգների աջակցության առաջարկը՝ նպաստելու տարածաշրջանում տրանսպորտային և հաղորդակցության կապերի բացմանը:
- Թուրքիայի նախագահ Էրդողանը հայտարարել է՝ գոհ է ,որ Փաշինյանը տարածաշրջանային խաղաղության և համագործակցության վերաբերյալ նման տեսակետներ է կիսում, բայց հիմա սպասում է գործնական քայլերի` հարաբերությունների կարգավորման համար։ Ըստ Էրդողանի` իրենք լուրջ և վճռական են տրամադրված այս հարցում։
Այս ժամի լուրերը՝ տեսանյութում։
