07.12.2025 | 14:21
Մեսի․ Սա այն պահն է, որին ես սպասում էի
Դիլիջան-Իջևան ճանապարհին ավտոմեքենա է շրջվել. կան տուժածներ
24.07.2022 | 13:33
Տավուշի մարզային ճգնաժամային կառավարման կենտրոնը հուլիսի 24-ին, ժամը 01:00-ին ահազանգ է ստացել, որ Դիլիջան-Իջևան ավտոճանապարհին՝ «Գետափ» ռեստորանային համալիրի մոտակայքում, տեղի է ունեցել ՃՏՊ․ կան տուժածներ։
Դեպքի վայր է մեկնել ԱԻՆ Փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ:
ԱԻՆ-ի հաղորդմամբ` պարզվել է, որ Դիլիջան-Իջևան ավտոճանապարհի մոտ 2-րդ կմ-ին «VAZ-2121» մակնիշի ավտոմեքենան (վարորդ՝ Հ․ Հ․, ծնված 1998 թ.) դուրս է եկել ճանապարհի երթևեկելի հատվածից և շրջվել:
Մինչ փրկարարների կանչի վայր հասնելը՝ վարորդը տեղի ուժերով դուրս է բերվել ավտոմեքենայից և հոսպիտալացվել Դիլիջանի բժշկական կենտրոն, որտեղ բժիշկները նրա առողջական վիճակը գնահատել են ծանր:
Փրկարարները ուղևոր Ս․ Ա․-ին (ծնված 1996 թ․) պատգարակով մոտեցրել են շտապօգնության ավտոմեքենային, ով հոսպիտալացվել է նույն հիվանդանոց, որտեղ բժիշկները տուժածի առողջական վիճակը գնահատել են միջին ծանրության։
Փրկարարները հոսանքազրկել են ավտոմեքենան, փակել գազի բալոնի փականը և սահմանազատել տարածքը:
