14.09.2026 | 22:01
Հայաստանի մի շարք հասցեներում էլեկտրաէներգիայի անջատումներ կլինեն
Վիրուսներն ու «բիոլաբորատորիաները»․ ինչպես չվարակվել Fake news-ով․ ՏԵՍԱՆՅՈւԹ
Հասարակություն
25.07.2022 | 18:00
«Կենսաբանական զենք՝ Հայաստանում գործող բիոլաբորատորիաներում», «Կորոնավիրուսով վարակված մկներ են պահվում այդ լաբորատորիաներում», «Շտա՛պ է», «Հրատա՛պ», «Սենսացիա»․ այս ու նմանատիպ ձևակերպումներով են ուղեկցվում Հայաստանում գործող Ռեֆերենս լաբորատոր կենտրոնների մասին մամուլում հայտնվող կեղծ, մանիպուլյատիվ, չստուգված տեղեկություններն ու ենթադրությունները։
Media.am-ի լրագրողներ Անի Ավետիսյանը և Օֆելյա Սիմոնյանն իրենց հոդվածներում անդրադարձել են լաբորատորիաների թեմայով տարածվող Fake news-ին։
Հայաստանում գործող այս լաբորատորիաների թեմայով առաջին անգամ չէ, որ ահաբեկող ենթադրություններ ու պնդումներ են տարածվում՝ փաստեր ստուգող լրագրողները գնում են այդ լուրերի հետևից ու պարզում՝ կամ հիմնավոր աղբյուր չկա, կամ քարոզչություն է, կամ էլ՝ ենթադրություն։
Լրագրող Անին Ավետիսյանը իր հոդվածում ներկայացրել է, թե ինչպես թարմացան «բիոլաբորատորիաների» թեմայով մանիպուլյատիվ լուրերը՝ ռուս-ուկրաինական պատերազմի ֆոնին։
«Բիոլաբորատորիաների» թեմայով կեղծ լուրերն ակտիվացան նաև աշխարհում կապիկի ծաղիկ հիվանդության տարածմանը զուգընթաց։ Հայաստանում բլոգերներից մեկը հայտարարեց, թե ՀՀ-ում երեք օրում 350 մարդ վարակվել է կապիկի ծաղիկով, վարակի աղբյուրը, իբր, բիոլաբորատորիաներն են և այդ մասին հայտնել է ՌԴ առողջապահության նախարարությունը։
Factor TV-ն անդրադարձել է փաստեր ստուգող լրագրողների աշխատանքին՝ ներկայացնելով վերջին շրջանում Ռեֆերենս լաբորատոր կենտրոնների մասին արված հրապարակումներն ու դրանց շուրջ շարունակական քննարկումները։
Մանրամասները՝ տեսանյութում։
Անահիտ Հակոբյան
