06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Սերգեյ Շոյգուն ժամանել է Թուրքիա
Քաղաքականություն
22.07.2022 | 13:52
ՌԴ պաշտպանության նախարար Սերգեյ Շոյգուն ժամանել է Ստամբուլ։ Այս մասին հայտնում է Haberturk հեռուստաալիքը, որին վկայակոչում է ՏԱՍՍ-ը։ Նշվում է, որ Շոյգուն ժամանել է Թուրքիա ուկրաիանական հացահատիկի վերաբերյալ համաձայնագրի կնքման համար։ ՌԴ-ից ու Թուրքիայից փաստաթուղթը ստորագրելու են երկու երկրների ՊՆ ղեկավարները, ուկրաինական կողմից՝ տրանսպորտի նախարարը, որը գլխավորում է ուկրաինական պատվիրակությունը Ստամբուլում։
Հիշեցնենք, որ այսօր Ստամբուլում նախատեսված են ուկրաինական հացահատիկի հարցով հերթական բանակցությունները ՌԴ-ի, Ուկրաինայի, Թուրքիայի ու ՄԱԿ-ի ներկայացուցիչների միջև։ Թուրքական կողմը ազդարարել է նաև փաստաթղթի ստորագրման մասին․ միջոցառմանը ներկա կլինեն նաև Թուրքիայի նախագահ Ռեջեփ Թայիփ Էրդողանն ու ՄԱԿ-ի գլխավոր քարտուղար Անտոնիո Գուտերեշը։
Էմմա Չոբանյան
