06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Ուկրաինայում պատերազմի ելքը կորոշվի երկու ամսվա ընթացքում. Forbes
Քաղաքականություն
22.07.2022 | 12:01
Ուկրաինայի զինված ուժերի հակահարձակումը, ամենայն հավանականությամբ, տեղի կունենա օգոստոսին։ Մինչ այդ, Ուկրաինան դեռ պետք է ստանա նախատեսված ողջ զինտեխնիկան և մոբիլիզացնի իր ուժերը, գրում է Forbes-ը։ Ըստ պարբերականի՝ առաջիկա շաբաթները կարող են շրջադարձային դառնալ ռազմաճակատում։
Հոդվածագիրը, վերլուծելով իրավիճակը, գրում է , որ ի տարբերություն ուկրաինական դիրքերի, որոնք Լիսիչանսկից նահանջից հետո ունեն լայն թևեր և բաց թիկունք, ռուսական զորքերը շատ խոցելի տեղեր ունեն։ Դնեպրի աջ ափին՝ Խերսոնի մարզում, մոտ 15 000 ռուս զինվոր կա, որոնց աջակցությունը կախված է երկու կամուրջներից (Անտոնովսկի և Անտոնովսկի երկաթուղային) և Կախովսկայա հիդրոէլեկտրակայանի ամբարտակից։ Անտոնովսկի կամրջի ուղղությամբ ուկրաինացի զինվորականների հարվածներից հետո ռուսները չեն կարողանա ծանր բեռներ, այդ թվում՝ ռազմական տեխնիկա տեղափոխել դրա վրայով։ Դնեպրով անցումների ոչնչացումն, իր հերթին, զգալիորեն բարդացնում է Ուկրաինայի Զինված ուժերի հետագա հնարավոր առաջխաղացումը դեպի աջ ափ:
Առաջիկա շաբաթները կարող են շրջադարձային դառնալ ռազմաճակատում, իսկ պատերազմի ապագան կախված կլինի նրանից, թե ինչպես կզարգանան իրադարձությունները հուլիս-օգոստոս ամիսներին՝ ամփոփում է Forbes-ի հոդվածագիրը։
Տաթև Ֆռանգյան
