09.10.2026 | 14:33
Վաղվանից ուժի մեջ կմտնեն Հայաստանի համար ԵՄ առևտրային արտոնությունները
ՌԴ-ի կողմից վերահսկվող Մարիուպոլի ֆիլտրացիոն ճամբարներում ավելի քան 10․000 ուկրաինացի է պահվում
Քաղաքականություն
19.07.2022 | 23:35
ՌԴ-ի վերահսկողության տակ գտնվող Մարիուպոլ քաղաքում ու նրա արվարձաններում բացվել են ֆիլտրման չորս կենտրոն,որտեղ պահվում է ավելի քան 10,000 մարդ, գրում է Unain-ը։
Այս մասին պատմել է Մարիուպոլի քաղաքապետ Վադիմ Բոյչենկոն։
«Ֆիլտրացիոն կենտրոններ կան Մարիուպոլում և քաղաքից դուրս, դրանք չորսն են։ Այնտեղ գերության մեջ է գտնվում տեղի 10,000 բնակիչ»,-ասել է նա։
Ըստ նրա՝ կենտրոններից մեկում այժմ պահվում է գրեթե 2000 տղամարդ և դա պայմանավորված է մոբիլիզացմամբ։
«Մենք հասկանում ենք, ինչու են նրանք դա անում։ Նրանք հայտարարել են, որ սեպտեմբերին կբաժանեն այդ թղթերը, որոնք կոչվում են ռուսական անձնագրեր։ Եվ դա անմիջապես ռազմաճակատի տոմս է»,-ասել է Բոյչենկոն։
Ավելի վաղ էլ Ուկրաինայի նախագահ Վլադիմիր Զելենսկին էր հայտարարել, որ երկու միլիոն ուկրաինացի տարվել է ՌԴ։ Նրա խոսքով՝ ֆիլտրացիոն ճամբարներում մնում են տասնյակ հազարավոր մարդիկ։
Էմմա Չոբանյան
