09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
Դաղստանից 300 զինվորականներ հրաժարվել են կռվել Ուկրաինայում․ The Moscow Times
19.07.2022 | 21:59
Ըստ The Moscow Times-ի՝ ուկրաինական պատերազմի մեկնարկից մոտ մեկ ամիս անց Բույնակսկում տեղակայված 63 354 ստորաբաժանման 300 զինծառայողներվայր են դրել զենքերը և լքել երկիրը։ Դաղստան վերադառնալուց հետո նրանք սկսել են պայմանագրերը խզելու ընթացակարգ, գրում է թերթը՝ վկայակոչելով երկու իրավապաշտպանների։ Ըստ աղբյուրի՝ նրանք խնդիրներ են ունեցել համազգեստի և զենքի հետ կապված, ոմանք էլ վերադարձել են ցրտահարված վերջույթներով։
Բույնակսկում պայմանագրայիններին դիմավորել են որպես դասալիքների, քաղաքում կայացել է իշխանությունների, զինվորականների և դատախազության ներկայացուցիչների մասնակցությամբ հանդիպում։ Նրանցից ոմանք հարազատների ու տեղական իշխանությունների ճնշման տակ բուժումից հետո վերադարձել են Ուկրաինա, գրում է թերթը։
Այժմ զինդատախազությունը ստուգում է անցկակցնում, քանի որ ծառայության վայրից 10 օրից ավելի բացակայությունը կարող է հանգեցնել քրեական պատասխանատվությանը։«Զինծառայողների հետ հնարավոր չի եղել խոսել, միջադեպի մասին չի բարձրաձայնվել: Կովկասում, ինչպես բացատրում են տեղի իրավապաշտպանները, ծառայությունից փախչելն ամոթ է»,- գրում է The Moscow Times-ը:
Նման դեպքեր բազմիցս գրանցվել են նաև այլ մարզերում։ Մասնավորապես, «Ազատ Բուրյաթիա» հիմնադրամն անցած շաբաթ հայտարարեց, որ 150 բուրյաթ զինծառայողներ վերադարձել են Ուկրաինայից՝ հրաժարվելով կռվելուց և խզել են պայմանագրերը ՌԴ պաշտպանության նախարարության հետ։ Հիմնադրամի ղեկավար Ալեքսանդրա Գարմաժապովան Mediazona-ին հայտնել է, որ կռվելուց հրաժարված զինվորականները սպառնալիքներ են ստանում։ Հիմնադրամի կայքը արգելափակվել է Ռուսաստանի իշխանությունների կողմից։
Տաթև Ֆռանգյան
