16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Ստացիոնար բուժման կարիք ունեցող ազատազրկվածները հաճախ ստիպված են լինում 1 ամիս հերթում սպասել․ Լաուրա Գասպարյան․ ՏԵՍԱՆՅՈՒԹ
Հասարակություն
19.07.2022 | 13:53
«Ինչո՞ւ է Հայաստանում շարունակվում լայնորեն կիրառվում նախնական կալանքը որպես խափանման միջոց, ի՞նչ խնդիր է լուծում իրավապահ համակարգը և որքանո՞վ է երաշխավորված անազատության մեջ գտնվող անձանց առողջապահական իրավունքը: Այս հարցերին հանգամանորեն անդրադարձ կատարվեց «Կալանքը որպես խափանման միջոց համատարած կիրառման խնդիրներն ու առողջապահական իրավունքի հասանելիությունը» թեմայով քննարկման ժամանակ:
«Արմավիր» ՔԿՀ-ում բժշկական հաստիքները համալրված են, բայց բավարար չեն»,- քննարկման ժամանակ այս խնդրի մասին բարձրաձայնեց ՀՀ ՄԻՊ աշխատակազմի Կանխարգելման ազգային մեխանիզմի իրականացման համակարգող-խոշտանգումների և վատ վերաբերմունքի կանխարգելման վարչության պետ Լաուրա Գասպարյանը:
Նրա խոսքով՝ ՔԿՀ ընդունվելիս անձն անցնում է բուժզննում, բայց պատշաճ բուժզննում չի իրականացվում. Աարձանագրվում են արտաքին զննման արդյունքները և կատարվում է երկու հետազոտություն՝ հեպատիտ C-ի և ՁԻԱՀ-ի վերաբերյալ: Միայն այս հետազոտությունների արդյունքում դժվար է ռեալ գնահատել անձի առողջական վիճակը»:
«Մեկ այլ խնդիր է տեխնիկական ապահովվածությունը, մենք բազմաթիվ ահազանգեր ենք ստանում «Արմավիր» ՔԿՀ-ներից այն մասին, որ անձն ունի բժշկի կողմից ցուցված ստացիոնար բուժման անհրաժեշտություն, բայց նրա հերթը կարող է հասնել մեկ ամիս հետո կամ դրանից էլ ուշ: Այսինքն՝ հերթագրման և ստացիոնար բուժման համար անձանց տեղափոխման հետ կապված դժվարությունները դեռևս կարգավորված չեն»,- նշեց Գասպարյանը:
Մանրամասները՝ տեսանյութում:
