15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
ԱՄՆ-ն ակտիվ դերակատարում ունի հայ-ադրբեջանական բանակցություններում․ Պետքարտուղարություն
Քաղաքականություն
19.07.2022 | 12:05
ԱՄՆ Պետքարտուղարության խոսնակ Նեդ Փրայսն ճեպազրույցում անդրադարձել է հուլիսի 16-ին Թբիլիսիում կայացած ՀՀ ԱԳ նախարար Արարատ Միրզոյանի ու Ադրբեջանի ԱԳ նախարար Ջեյհուն Բայրամովի հանդիպմանը, ինչպես նաև այդ ամենին պետքարտուղար Էնթոնի Բլինքենի արձագանքին։ Փրայսը նշել է, որ ԱՄՆ-ն ակտիվ դերակատարում ունի Երևանի ու Բաքվի հարաբերությունների կարգավորման գործընթացում։
«Մենք ակտիվ դերակատարում ունենք։ Մենք մշտապես ասել ենք, որ պատրաստ ենք ներգրավվել և համախոհ գործընկերների հետ, այդ թվում, որպես ԵԱՀԿ Մինսկի խմբի համանախագահ, օգնել երկրներին գտնել երկարատև, համապարփակ խաղաղություն»,-ասել է Փրայսը՝ նշելով, որ պետքարտուղար Բլինքենը հնարավորություն է ունեցել շփվելու ԱԳՆ-ի իր գործընկերների հետ։
«Պետքարտուղարի տեղակալ Դոնֆրիդն ու մյուսներն այս շենքում ևս հնարավորություն են ունեցել շփվելու բարձր մակարդակով իրենց հայ ու ադրբեջանցի գործընկերների հետ։ Մենք ողջունել են ներկայացուցիչների հանդիպումը։ Մենք շարունակում ենք հավատալ, որ երկխոսությունը լավագույն միջոցն է հասնելու խաղաղության, ժողովրդավարական ու բարգավաճ ապագայի Հարավային Կովկասի տարածաշրջանի համար, և մենք կշարունակենք աջակցել դրան, ինչով կարող ենք»,-ասել է Պետքարտուղարության խոսնակը։
Էմմա Չոբանյան
