28.06.2026 | 13:22
Օդի ջերմաստիճանն աստիճանաբար կբարձրանա 5-7 աստիճանով
ԵՄ ԱԳ նախարարները համաձայնության են եկել ՌԴ-ի դեմ պատժամիջոցների նոր փաթեթի շուրջ
Քաղաքականություն
18.07.2022 | 21:35
Բրյուսելում նախատեսված հանդիպման ժամանակ ԵՄ երկրների արտաքին գործերի նախարարները համաձայնության են եկել Ռուսաստանի դեմ պատժամիջոցների նոր փաթեթի շուրջ, որը չի պարունակում էներգակիրների մատակարարման լրացուցիչ սահմանափակումներ։ Այս մասին լրագրողներին հայտարարել է Հունգարիայի ԱԳ և արտաքին տնտեսական կապերի նախարար Պետեր Սիյարտոն, գրում է ՏԱՍՍ-ը։
Նա նշել է, որ չնայած մի շարք երկրների ջանքերին, նոր փաթեթը չի ներառում Գազպրոմբանկի դեմ պատժամիջոցներ։ Սիյարտոն հավելել է, որ պատժամիջոցների նոր փաթեթը ներառում է 48 անձի, այդ թվում՝ ՌԴ կառավարության փոխվարչապետներից մեկի և մի քանի շրջանային ղեկավարների»։
«ԵՄ պատժամիջոցների ցուցակում կավելացվի ևս 48 անձ, այդ թվում՝ ՌԴ փոխվարչապետը և մի քանի տարածաշրջանային քաղաքական առաջնորդներ, ինչպես նաև ինը կազմակերպություն»,-ասել է նախարարը։
Պատժամիջոցները ներառելու են նաև ոսկու և երկակի նշանակության ապրանքների առևտրի արգելք։
Էմմա Չոբանյան
