20.06.2026 | 23:35
ԱԱ-2026. Նիդերլանդները 5 գոլ խփեց Շվեդիային. ՏԵՍԱՆՅՈՒԹ
Հայաստանի և Ադրբեջանի ԱԳ նախարարները վաղը կհանդիպեն
15.07.2022 | 18:29
Թբիլիսում հուլիսի 16-ին տեղի կունենա Հայաստանի արտաքին գործերի նախարար Արարատ Միրզոյանի և Ադրբեջանի արտաքին գործերի նախարար Ջեյհուն Բայրամովի հանդիպումը։ Այս մասին ֆեյսբուքյան գրառմամբ հայտնել է ԱԳՆ մամուլի խոսնակ Վահան Հունանյանը։ Ադրբեջանական կողմը ևս հաստատել է այս տեղեկությունը․ Ադրբեջանի նախագահ Իլհամ Ալիևը այս տարվա վեց ամիսների արդյունքներին նվիրված հանդիպման ժամանակ ունեցած ելույթում հայտարարել է, որ վաղը Հայաստանի ու Ադրբեջանի ԱԳ նախարարները հանդիպում են անցկացնելու։ Բացի այդ նա նշել է, որ Հայաստանի ու Ադրբեջանի սահմանի դելիմիտացիայի հանձնաժողովի երկորդ հանդիպումը նախատեսված է հաջորդ ամիս։
«Բնականաբար, այս ձևաչափով համագործակցությունից մենք դեռ արագ արդյունք չենք ակնկալում, քանի որ սահմանազատումը երկար գործընթաց է։ Բայց, ամեն դեպքում, այս գործընթացը սկսվել է, և մենք դա համարում ենք հաջող զարգացում»,- ասել է Ադրբեջանի նախագահը։
Էմմա Չոբանյան
