15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
ԱՄՆ ԿՀՎ ղեկավարը Հայաստանո՞ւմ է․ Արմեն Գրիգորյանի կյանքը փրկել չի հաջողվել․ Լուրեր
Քաղաքականություն
15.07.2022 | 18:07
- Համացանցում տեղեկություններ են տարածվել, որ Երևանում է ԱՄՆ Կենտրոնական հետախուզական վարչության (ԿՀՎ) տնօրեն Ուիլյամ Բըրնսը։ Factor.am-ը տեղեկատվությունը ճշտելու համար դիմել է կառավարության, ինչպես նաև ԱԳՆ, որտեղից հայտնել են, որ այդ մասին տեղեկություններ չունեն։ Հայաստանում ԱՄՆ դեսպանատնից էլ պատասխանել են, որ չեն մեկնաբանում ԿՀՎ ղեկավարի այցի մասին լուրը՝ փաստացի, չհերքելով, որ նա Հայաստանում է։
- Պրոդյուսեր Արմեն Գրիգորյանը դատարանի դահլիճում ուշագնաց է եղել․ դատարանում այսօր ընթանում էին Գրիգորյանի գործով նախնական դատալսումները։ Գրիգորյանի ինքնազգացողությունը վատացել է, նա կորցրել է գիտակցությունը՝ ընկնելով աթոռից: Կանչով ժամանած շտապօգնության բրիգադին չի հաջողվել փրկել Գրիգորյանի կյանքը։ Արմեն Գրիգորյանը կալանքի տակ էր մայիսի 17-ից:
- ԱԺ նախագահը ստորագրել է ԱԺ պատգամավոր Արթուր Ղազինյանի՝ պատգամավորի լիազորությունները դադարած համարելու մասին արձանագրությունը: Ղազինյանը, հիշեցնենք, ինքն էր հրաժարվել մանդատից։
Այս ժամի լուրերը՝ տեսանյութում։
