25.06.2026 | 13:28
Այսօր կորոշվի՝ ով է լինելու ԱԺ նախագահի թեկնածուն. Փաշինյան․ ՏԵՍԱՆՅՈՒԹ
Պարզաբանումներ եմ պահանջել Դատախազությունից և ԱՆ-ից՝ Արմեն Գրիգորյանի մոտ ախտորոշված հիվանդությունների և մահվանը հանգեցրած մյուս հնարավոր հանգամանքների վերաբերյալ․ ՄԻՊ
Հասարակություն
15.07.2022 | 17:27
Ծայրահեղ անընդունելի և մտահոգիչ է, որ նախնական կալանքի պայմաններում անձի նկատմամբ պահման վայրում չի երաշխավորվում առողջության պահպանման իրավունքը, պատշաճ չեն բացահայտվում և հասցեագրվում առողջական խնդիրները, ինչը հանգեցնում է նման ողբերգական հետևանքի․ հայտարարություն է տարածել ՀՀ ՄԻՊ Քրիստիննե Գրիգորյանը։
«Պարզաբանումներ եմ պահանջել Դատախազությունից և Արդարադատության նախարարությունից Արմեն Գրիգորյանի մոտ ախտորոշված հիվանդությունների, դրանց բուժման նպատակով ձեռնարկված միջոցների և մահվանը հանգեցրած մյուս հնարավոր հանգամանքների վերաբերյալ։ Հետևողական եմ լինելու մեղավորներին պատասխանատվության կանչելու հարցում։
Ցավակցությունս եմ հայտնում պարոն Գրիգորյանի ընտանիքին և ընկերներին»,- գրել է ՄԻՊ-ը։
Հիշեցնենք, որ այսօր պրոդյուսեր Արմեն Գրիգորյանը դատարանի դահլիճում ուշագնաց է եղել․ նրա կյանքը փրկել չի հաջողվել ։
