Քաղաքականություն
14.05.2018 | 20:21«Սա տեղի ունեցավ, որովհետև շատ մարդիկ երազել են այդ մասին»,- սիրո ու համերաշխության հեղափոխության մասին խոսելիս ասաց «Մերժիր Սերժին» նախաձեռնության անդամ Արմեն Գրիգորյանը։ Նախաձեռնության մյուս անդամ՝ Դավիթ Սանասարյանն էլ հավելեց՝ իրացրել են երազանքի իրենց իրավունքը։
Հիշելով արդեն անցած ճանապարհը, նախաձեռնության անդամները խոստովանում են, որ երբ շարժման սկզբում 150 հոգով երթ էին անցկացնում, չէին պատկերացնում, որ մեկ ամիս անց մարդկանց թիվը կհասնի 250 հազարի: «Եթե մենք նման բաներ հայտարարեինք հասարակությունից մեզ ոչ ադեկվատ լինելու համար կարող էին մեկուսացնել, բայց եղավ այն, ինչ եղավ, որի մասին շատերն են երազել»,- պատմեց Արմեն Գրիգորյանը։
Դավիթ Սանասարյանն ու Արմեն Գրիգորյանը նաև նշեցին, թե ինչպես է ստեղծվել «Մերժիր Սերժին» կարգախոսը, ինչպես են թիմի անդամներից շատերը դեմ եղել այդ անվանմանը։ Անկեղծացան, որ անգամ օր է եղել, երբ ունեցել են մտավախություն, թե գործողությունները տանում են փակուղի, բայց դա ևս հաղթահարել են։
Մանրամասները՝ տեսանյութում։
Լիլիթ Շաբոյան
