22.01.2026 | 14:03
Զինծառայողի մահվան դեպքով մեկ անձ կալանավորվել է. ՔԿ
«Վերածննդից հաղթանակ» խորագրով համերգը՝ Համահայկական նվագախմբի մասնակցությամբ
Մշակույթ
14.05.2018 | 16:53
ՀՀ մշակույթի նախարարության աջակցությամբ՝ ս. թ. մայիսի 14-ին, ժամը 19:00-ին, Ա. Սպենդիարյանի անվան օպերայի և բալետի ազգային ակադեմիական թատրոնում, տեղի կունենա Համահայկական նվագախմբի համերգը՝ «Վերածննդից հաղթանակ» խորագրով:
Համահայկական նվագախումբը բաղկացած է 90 հայ պրոֆեսիոնալ երաժիշտներից, որոնցից 49-ը՝ աշխարհի 21 երկրներից:
Համերգային մեծ ծրագրի ընթացքում կկատարվեն Ա. Շիրակացու, Ա. Խաչատրյանի, Ա. Հարությունյանի, Ղ. Սարյանի, Է. Հովհաննիսյանի, Ռ. Ամիրխանյանի, Ա. Սմբատյանի, Ա. Գրիգորյանի, Ա. Բերբերյանի, Դեն Յեսսիանի ստեղծագործությունները:
Համերգին մասնակցում են Հայաստանի պետական կամերային երգչախումբը /գեղարվեստական ղեկավար և գլխավոր խմբավար՝ Ռոբերտ Մլքեյան/, Երևանի պետական կամերային երգչախումբը /գեղարվեստական ղեկավար և խմբավար՝ Հարություն Թոփիկյան/, «Հովեր» պետական կամերային երգչախումբը /գեղարվեստական ղեկավար և խմբավար՝ Սոնա Հովհաննիսյան/, Երևանի ձայնի պահպանման վոկալ-երգչախմբային մասնագիտական դպրոցի երգչախումբը:
Մենակատարներ՝ Դանիել Մելքոնյան /շեփոր/, Սոնա Ռուբենյան,Պերճ Քարազյան /տենոր/, Գուրգեն Բավեյան /բարիտոն/, Կամո Սեյրանյան
/դուդուկ/:
Դիրիժորներ՝ Էդուարդ Թոփչյան, Սերգեյ Սմբատյան, Վահան Մարտիրոսյան:
Ռեժիսոր՝ Արամ Սուքիասյան:
