19.04.2024 | 23:26
Գցել են գետնին, ոտքը դրել գլխին և ձեռքերը ոլորելով՝ փորձել հանել հագուստը․ խոշտանգման մասին նոր ահազանգ․ ՏԵՍԱՆՅՈՒԹ
ԱՄՆ-ն չի արգելի գյուղատնտեսական սարքավորումների մատակարարումը Ռուսաստան
Քաղաքականություն
15.07.2022 | 14:50
Վաշինգտոնը հայտարարել է, որ չի արգելի գյուղատնտեսական սարքավորումների մատակարարումը Ռուսաստան՝ Մոսկվայի այն պնդումների ֆոնին, թե պարենային ճգնաժամի պատճառը Արևմուտքի պատժամիջոցներն են, այլ ոչ թե ՌԴ ներխուժումն Ուկրաինա, գրում է BBC-ի ռուսական ծառայությունը։
ԱՄՆ ֆինանսների նախարարությունը պարզաբանել է, որ նման ապրանքները ամերիկյան պատժամիջոցների օբյեկտ չեն։
«Բացառությունների ընդլայնումը վերահաստատում է, որ ԱՄՆ պատժամիջոցները Ռուսաստանի դեմ՝ ի պատասխան Ուկրաինայի դեմ նրա սկսած չհրահրված և չարդարացված պատերազմի, խոչընդոտ չեն գյուղատնտեսական ու բժշկական ապրանքների առևտրի ճանապարհին»,-ասվում է հայտարարության մեջ։
Գերատեսչությունը նշում է, որ չի դադարեցնելու գործարքները կապված գյուղատնտեսական ապրանքների վաճառքի ու փոխադրման հետ, ինչպես նաև չի արգելելու Ռուսաստան պարարտանյութերի, բժշկական սարքերի և Covid-19 թեստերի մատակարարումը։
ԱՄՆ այս քայլը հաջորդում է Ստամբուլում ուկրաինական հացահատիկի հարցով ՌԴ-ի, Ուկրաինայի, Թուրքիայի ու ՄԱԿ-ի ներկայացուցիչների բանակցություններին։
Էմմա Չոբանյան
