02.03.2026 | 20:31
Օմանի ափերի մոտ նավթային լցանավի վրա հարձակման հետևանքով անձնակազմի անդամ է զոհվել. ՏԵՍԱՆՅՈՒԹ
Գրիչով քվեարկությունը կվերանա. ԱԺ-ն ամբողջությամբ ընդունեց Ընտրական օրենսգրքի փոփոխությունները․ ՏԵՍԱՆՅՈՒԹ
Քաղաքականություն
14.07.2022 | 17:01
Ազգային ժողովի արտահերթ նիստում քվեարկության դրվեց «Քաղաքացիական պայմանագիր» խմբակցության պատգամավորներ Արթուր Հովհաննիսյանի և Հերիքնազ Տիգրանյանի ներկայացրած «Ընտրական օրենսգիրք» սահմանադրական օրենքում լրացումներ և փոփոխություններ կատարելու մասին և կից ներկայացված օրենքներում ուղղումներ կատարելու մասին նախագծերի փաթեթը երկրորդ ընթերցմամբ և ամբողջությամբ ընդունելու մասին հարցը:
Որոշումն ընդունվեց միաձայն՝ 66 կողմ ձայներով:
Նշենք, որ առաջարկված փոփոխությունների համաձայն՝ տեղական ինքնակառավարման մարմինների ընտրություններում, կուսակցությունների և դաշինքների համար, անկախ ընտրողների թվաքանակից, կնախատեսվեն առանձին քվեաթերթիկներ, այդպիսով՝ գրիչների օգտագործումը կհանվի։
Առաջարկվում է նաև ինքնաբացարկի ժամկետ սահմանել քաղաքական ուժերի այն ներկայացուցիչների համար, որոնք գլխավորում են համամասնական ցուցակը ոչ ուշ, քան քվեարկությունն սկսվելուց 15 օր առաջ։
Բացի դրանից՝ ՏԻՄ ընտրությունների ժամանակ, ինչպես խորհրդարանական ընտրություններում, կիրականացվի օնլայն հեռարձակում։
Մանրամասները՝ տեսանյութում:
