Տնտեսություն
14.07.2022 | 14:55
ԱԺ ֆինանսավարկային և բյուջետային հարցերի մշտական հանձնաժողովը կազմակերպել է աշխատանքային քննարկում՝ «Գնաճը, արդի խնդիրները և լուծման ուղիները» թեմայով:
Հայաստանում հիմա աճում են ոչ միայն սեզոնային պարենային ապրանքները, այլ նաև ոչ սեզոնային պարենային ապրանքները, որոնք հիմնական մասը ներմուծվող են՝ ցորեն, շաքարավազ, ձեթ և այլն: Աճում են նաև ծառայությունների գները: Քննարկման ժամանակ այս մասին նշեց ԿԲ նախագահ Մարտին Գալստյանը:
«Հիմա Հայաստանում նկատում ենք նաև այնպիսի ծառայությունների գների աճ, որոնք երբեք չեն աճել: Օրինակ, վարսավիրական ծառայությունները: Մեր սպառողական զամբյուղի մոտավորապես կեսը մեկ տոկոսից ավելի գնաճ է ունեցել, այսինքն՝ սա համատարած է, որովհետև, մեր գնահատմամբ, Հայաստանն այսօր գտնվում է բումի մեջ: Մեր արտադրական հզորությունները չեն հերիքում բավարարելու այն պահանջարկը, որն ունենք: Ու այստեղ ԿԲ-ն գործ ունի անելու: Եթե մարդիկ սկսեն չհավատալ, որ այս երկրում էլի հնարավոր է վերադառնալ ցածր գնաճային միջավայր, մենք պետք է գործողություններ անենք»,- նշեց ԿԲ նախագահը:
Գալստյանի խոսքով՝ այս պահին կա 10,3 տոկոս գնաճ: ԿԲ նախագահը կոչ արեց հանրության մեջ սերմանել, որ ԿԲ-ն անպայման գնաճը բերելու է 4 տոկոս թիրախին, ինչը չափազանց կարևոր է՝ ընդգծելով, որ ԿԲ անկյունաքարայն նպատակներից մեկը, ցածր գնաճ ապահովելով, մարդկանց մոտ ցածր գնաճային սպասումներ զարգացնելն է:
Մանրամասները՝ տեսանյութում:
