29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
ԱՄՆ Ներկայացուցիչների պալատն ընդունել է հայամետ լրացումը, որով պահանջվում է գնահատական տալ Ադրբեջանի պատերազմական հանցագործություններին
Քաղաքականություն
14.07.2022 | 13:30
ԱՄՆ Ներկայացուցիչների պալատն ընդունել է 2023 թվականի բյուջետային տարում Ազգային անվտանգության հատկացումների ակտին ներկայացված 121-րդ լրացումը, որով պահանջվում է ներկայացնել զեկույց Ադրբեջանի պատերազմական հանցագործությունների վերաբերյալ: Այս մասին հայտնում է Հայ դատի ԱՄՆ հանձնախմբի ֆեյսբուքյան էջը:
Տեղեկացվում է, լրացումները ներկայացրել են կոնգրեսականներ Թոնի Կարդենասը և Բրեդ Շերմանը՝ կոչ անելով Պետդեպարտամենտին և Պաշտպանության նախարարությանը զեկույց ներկայացնել, որում մանրամասն նկարագրված կլինի ՝ արդյոք Հայաստանի և Արցախի դեմ 2020 թվականին Ադրբեջանի կողմից կիրառված թուրքական անօդաչու թռչող սարքերում օգտագործված են եղել ամերիկյան արտադրության սարքավորումներ, անդրադարձ կլինի Ադրբեջանի կողմից Արցախի դեմ կիրառված սպիտակ ֆոսֆորի, կասետային ռումբերի և այլ արգելված զինամթերքի օգտագործմանը, Թուրքիայի և Ադրբեջանի կողմից օտարերկրյա ահաբեկիչների, զինյալների հավաքագրմանը 2020 թվականի Արցախյան պատերազմի ժամանակ։
Փոփոխությունը (թիվ 121) ընդունվել է որպես «en bloc 1»-ի՝ 2023 ֆինանսական տարվա Ազգային պաշտպանության լիազորման ակտի (H.R.7900) փոփոխությունների ավելի մեծ խմբի մաս:
Տեղեկացվում է, որ հայամետ մյուս լրացումները քննարկման կդրվեն հուլիսի 14-ին:
Տաթև Ֆռանգյան
