30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ԱՀԿ ղեկավարը կոչ է արել վերադարձնել դիմակների ռեժիմը
Քաղաքականություն
13.07.2022 | 23:30
Առողջապահության համաշխարհային կազմակերպության (ԱՀԿ) ղեկավար Թեդրոս Ադհանոմ Գեբրեյեսուսը ողջ աշխարհի կառավարություններին կոչ է արել վերադառնալ դիմակներ, քանի որ COVID-19-ից մահացությունների թիվը շարունակում է աճել։ Այս մասին հուլիսի 13-ին հայտնել է Sky News հեռուստաալիքը։
ԱՀԿ ղեկավարի խոսքով՝ համաճարակը «հեռու է ավարտվելուց»․ «օմիկրոն» շտամի տարատեսակները շարունակում են հիվանդության նոր ալիքներ, հոսպիտալացումներ ու մահեր հարուցել ողջ աշխարհում։
«Ես մտահոգված եմ, քանի որ COVID-19-ի դեպքերի թիվը շարունակում է աճել՝ լրացուցիչ ճնշում գործադրելով լարված առողջապահական համակարգերի և բուժաշխատողների վրա: Ինձ նաև անհանգստացնում է մահացությունների թվի աճի միտումը», – ասել է Գեբրեյեսուսը:
Նա ընդգծել է, որ «պետք է կիրառվեն փորձարկված միջոցներ», ինչպիսիք են դիմակներ կրելը, տարածքների բարելավված օդափոխությունը, թեստավորման և բուժման արձանագրությունների պահպանումը։
Ավելի վաղ ԱՀԿ-ն կանխատեսել էր, որ առաջիկա երկու ամիսներին Եվրոպայում կորոնավիրուսով վարակվածների թիվը կավելանա։
Տաթև Ֆռանգյան
