09.10.2026 | 14:33
Վաղվանից ուժի մեջ կմտնեն Հայաստանի համար ԵՄ առևտրային արտոնությունները
Հունաստանի ինքնիշխանությունն ու տարածքային ամբողջականությունը հարցականի տակ չեն. ԱՄՆ-ի պետքարտուղարության պատասխանը Թուրքիային
Քաղաքականություն
13.07.2022 | 22:45
ԱՄՆ Պետքարտուղարությունը հայտարարել է, որ «Հունաստանի ինքնիշխանությունն ու տարածքային ամբողջականությունը հարցականի տակ չեն կարող լինել, գրում է ekathimerini-ին։
«Մեր դիրքորոշումը այս հարցում հստակ է»,-ասել է խոսնակը՝ պատասխանելով հունական լրատվամիջոցների հարցին ու հավելել
«Մենք շարունակում ենք խրախուսել ՆԱՏՕ-ի մեր դաշնակիցներին՝ Հունաստանին և Թուրքիային, աշխատել միասին՝ տարածաշրջանում խաղաղությունն ու անվտանգությունը պահպանելու և վեճերը դիվանագիտական ճանապարհով լուծելու համար։ Մենք կոչ ենք անում մեր դաշնակիցներին խուսափել հռետորաբանությունից և գործողություններից, որոնք կարող են էլ ավելի մեծացնել լարվածությունը»։
Այս հայտարարությունը հնչում է այն բանից հետո, երբ Թուրքիայի «Ազգայնական շարժում» կուսակցության նախագահ Դևլեթ Բահչելին, որը նախագահ Ռեջեփ Թայիփ Էրդողանի կառավարության կոալիցիոն գործընկերն է, ցուցադրել էր քարտեզ, որում Հունաստանի կղզիները ներկայացված են որպես թուրքական։
Այս ամենին արձագանքել էր նաև Աթենքում Գերմանիայի դեսպան Էրնեստ Ռայխելը՝ հայտարարելով, որ Թուրքիայի կողմից Հունաստանի տարածքային ամբողջականության և ինքնիշխանության նկատմամբ ցանկացած կասկած անընդունելի է։
Էմմա Չոբանյան
