06.08.2026 | 15:43
Հայ եկեղեցու առաջնորդը կկանգնի դատարանի առաջ՝ կառավարության հետ խորացող հակամարտության ֆոնին․ Reuters-ի անդրադարձը
Կայանները, որոնք կսպասարկեն չվկայագրված գազաբալոններով մեքենաները, կտուգանվեն․ ՏԵՍԱՆՅՈՒԹ
Հասարակություն
13.07.2022 | 11:33
Օգոստոսի 1-ից ուժի մեջ կմտնեն գազաբալոնների վկայագրման նոր կարգավորումներ և նոր պահանջներ. տրանսպորտային միջոցների վրա տեղադրված գազաբալոնները չպետք է լիցքավորվեն, եթե գազաբալոնները տեղադրված կամ վկայագրված չեն լիցենզավորված կազմակերպության կողմից: Այս մասին այսօր հրավիրված մամուլի ասուլիսում նշեց ՏԿԵ նախարարության ավտոմոբիլային տրանսպորտի քաղաքականության լիցենզավորման և թույլտվությունների վարչության պետ Խաչիկ Սողոմոնյանը:
«Եթե մեքենայի չվկայագրված գազաբալոնը լիցքավորվի, ապա գազալցակայանը կտուգանվի առաջին անգամ 200 հազար դրամի չափով, երկրորդ անգամ՝ ավելի շատ: Իսկ ավտոմեքենայի վարորդը չի տուգանվի:
Այն վարորդները, որոնք չեն իրականացրել իրենց ավտոմեքենայի վրա տեղադրված գազաբալոնների վկայագրման գործընթացը, պետք է մոտենան լիցենզավորված կայաններ: Այդ կայանների ցանկը և հասցեները տեղադրված է մեր նախարարության կայքում: Դրանց թիվը 23 է»,- նշեց Սողոմոնյանը՝ հավելելով, որ վկայագրման այդ տվյալները մուտքագրվելու են էլեկտրոնային շտեմարան:
Մանրամասները՝ տսանյութում:
