09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Քննարկումներ ենք սկսել՝ առանձին արտաքին հետախուզական մարմին ստեղծելու վերաբերյալ․ Արմեն Գրիգորյան․ ՏԵՍԱՆՅՈՒԹ
Քաղաքականություն
12.07.2022 | 12:53
Հայաստանում նախատեսվում է ստեղծել արտաքին հետախուզական մարմին: Այս մասին ԱԺ պաշտպանության և անվտանգության հարցերի մշտական հանձնաժողովի նախաձեռնած խորհրդարանական լսումների ժամանակ հայտնեց Անվտանգության խորհրդի քարտուղար Արմեն Գրիգորյանը:
Նրա խոսքով՝ ՀՀ կառավարությունը լայնածավալ բարեփոխումներ է իրականացնում 3 ուղությամբ։ Դրանցից մեկը Ոստիկանության բարեփոխումներն են, մյուսը՝ ՊՆ-ի, ԶՈՒ բարեփոխումները:
«Այս բարեփոխումների համատեքստում մենք պլանավորում ենք ստեղծել առանձին արտաքին հետախուզական մարմին: Եվ անվտանգության խորհրդի գրասենյակն արդեն գործընկերների հետ քննարկումներ է սկսել այս նոր կառույցի ձևավորման համար: Ոստիկանության բարեփոխումները այս լայն կոնտեքստում պետք է դիտարկել: Դրա հիմքում դրված է նաև ժողովրդավարական կոնցեպտը»,- նշեց Գրիգորյանը:
Անվտանգութան խորհրդի քարտուղարն ընդգծեց, որ կառավարությունը 2018 թվականից սկսել է անվտանգության ոլորտի ժողովրդավարացման գործընթաց, ինչը կարևոր է անվտանգության, կայունության և կարողությունների ավելացման տեսանկյունից:
Ընդհանուր անվտանգության համակարգի տեսանկյունից Գրիգորյանը կարևոր համարեց Ոստիկանության և ԱԻՆ-ի գործառույթների՝ մեկ նախարարության մեջ համատեղումը:
«ՆԳ նախարարը, որպես նաև արտակարգ իրավիճակների ոլորտում քաղաքականությունը և գործառույթները համակարգող մարմին, հնարավորություն կունենա ներգրավված լինելու ԱԽ-ում քաղաքականության մշակման գործընթացում և հարցերը լուծելու մասով»,- նշեց ԱԽ քարտուղարը:
Նրա դիտարկմամբ՝ ընտրված ճանապարհը՝ փոխկապակցել ոստիկանության բարեփոխումներն այլ ոլորտների հետ, արդյունավետությունը բարձրացնել, շատ դրական ազդեցություն է ունենալու Հայաստանի ժողովրդավարացման գործընթացի վրա:
Մանրամասները՝ տեսանյութում:
