26.06.2026 | 02:03
ԱԱ-2026. Գերմանիան անակնկալ պարտություն կրեց, Կոտ դ’Իվուարը հաղթեց. ՏԵՍԱՆՅՈՒԹ
Թուրքիան առաջարկել է Հայաստանի բանագնացի հետ հաջորդ հանդիպումն անցկացնել Անկարայում կամ Երևանում․ թուրքական ԶԼՄ
Քաղաքականություն
12.07.2022 | 13:05
Թուրքիան առաջարկել է Հայաստանի հետ հարաբերությունների կարգավորման գործընթացի շրջանակներում հերթական հանդիպումն անցկացնել Անկարայում կամ Երևանում, այս մասին Ռիա Նովոստիին հայտնել է Անկարայում դիվանագիտական աղբյուրը։
«Եթե խոսքը երկու երկրների միջև հարաբերությունների կարգավորման գործընթացի մասին է, տրամաբանական կլինի, որ բանակցություններն անցկացվեն առանց երրորդ երկրների, ուժերի մասնակցության։Մենք առաջարկել ենք հանդիպում անցկացնել Անկարայում կամ Երևանում, սակայն դեռ պատասխան չենք ստացել»,-ասել է լրատվամիջոցի աղբյուրը։ Նա նաև նշել է, թե «Հայաստանի ու Թուրքիայի հարաբերությունների կարգավորման ճանապարհի խոչընդոտներից մեկը հայկական սփյուռքի ճնշումն է»։
«Որոշ դեպքերում գործընթացը սաբոտաժի է ենթարկվում, սակայն մենք հուսով ենք, որ կարգավորման գործընթացը կշարունակվի»,- հավելել է աղբյուրը։
Նշենք , որ Թուրքիայի ԱԳ նախարար Մևլութ Չավուշօղլուն ևս հայտարարել է երկկողմ հանդիպումները Երևանում կամ Անկարայում անցկացնելու առաջարկի մասին։
Հավելենք, որ ՀՀ ու Թուրքիայի հատուկ բանագնացներ Ռուբեն Ռուբինյանի ու Սերդար Քըլըչի առաջին հանդիպումը տեղի է ունեցել հունվարի 14-ին Մոսկվայում, նախորդ հանդիպումները՝Վիեննայում։ Վերջին հանդիպումը կայացել էր հուլիսի 1-ին։ Նախօրեին էլ տեղի էր ունեցել ՀՀ վարչապետ Նիկոլ Փաշինյանի հեռախոսազրույցը Թուրքիայի նախագահ Ռեջեփ Թայիփ Էրդողանի հետ։
Էմմա Չոբանյան
