14.03.2026 | 00:49
Սամվել Կարապետյանի տնային կալանքի ժամկետը երկարաձգվել է
Փաշինյանի հեռախոսազրույցը Էրդողանի հետ․ Արցախում 377 ընտանիք բնակարան է ստացել․ Լուրեր
11.07.2022 | 19:04
- Նիկոլ Փաշինյանը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ։ Փաշինյանը և Էրդողանը միմյանց շնորհավորել են Կուրբան Բայրամի և Վարդավառի տոների առթիվ։ Նրանք ընդգծել են երկու երկրների միջև հարաբերությունների կարգավորման երկկողմ գործընթացի կարևորությունը, ինչը կնպաստի նաև տարածաշրջանում խաղաղության և կայունության ամրապնդմանը։ Կողմերը ակնկալիք են հայտնել, որ հուլիսի 1-ին երկրների հատուկ ներկայացուցիչների հանդիպման ժամանակ ձեռք բերված պայմանավորվածությունները շուտ կյանքի կկոչվեն:
- Արցախում 377 ընտանիք բնակարան է ստացել, այդ թվում՝ 312-ը՝ ք. Ստեփանակերտում, 48-ը՝ Ասկերանի շրջանում, 17-ը՝ Մարտունու շրջանում։ Տեղեկացնում է ԱՀ բնակարանային հարցերի կոմիտեն։ Բնակարանները և տները տրվել են հատուկ խմբերի ընտանիքներին։
- Ընդդիմության առաջնորդներից Իշխան Սաղաթելյանն այսօր ասուլիսում ասել է, որ մարդիկ հոգնել են քաղաքական պրոցեսներից, հավատը կորցրել են քաղաքական բոլոր ուժերի նկատամբ։ Նա ասել է, որ իրենք դուրս են եկել կարճ ժամանակում հեռացնելու գործող իշխանությանը: Սաղաթելյանի խոսքով՝ սխալներ ունեցել են, բայց ժողովրդին չեն դավաճանել: Չի ստացվել այս փուլում, բայց ստացվելու է։ Իրենց հաջորդ գործողությունների մասին նա ասել է, որ մարզային կառույցներ են ստեղծում, անում են աշխատանք, որ հանրության համար դեռ տեսանելի չէ։
Այս ժամի լուրերը՝ տեսանյութում։
