ԱԺ-ն ընդդիմադիրներին մանդատներից զրկելու հարցով կդիմի ՍԴ

Ազգային ժողովում նախագիծ է շրջանառվում, որի համաձայն ԱԺ խորհուրդը դիմելու է Սահմանադրական դատարան, որպեսզի մանդատից զրկվեն նիստերից մեկ կիսամյակ բացակայած ընդդիմադիր պատգամավորները։ Նախագծի համաձայն այդ 32 պատգամավորներն են Իշխան Սաղաթելյանը, Աննա Գրիգորյանը, Վահե Հակոբյանը, Արմեն Գևորգյանը, Լիլիթ Գալստյանը, Արմեն Ռուստամյանը, Սեյրան Օհանյանը, Էլինար Վարդանյանը, Արծվիկ Մինասյանը, Քրիստինա Վարդանյանը, Գեղամ Մանուկյանը, Աղվան Վարդանյանը, Ագնեսա Խամոյանը, Անդրանիկ Թևանյանը, Մխիթար Զաքարյանը, Հռիփսիմե Ստումլյանը, Աշոտ Սիմոնյանը, Արմեն Չարչյանը, Ելենա Կիրակոսյանը, Ասպրամ Կրպեյանը, Արմենուհի Կուրղինլյանը, Արամ Վարդանյանը, Թադևոս Ավետիսյանը, Արթուր Սարգսյանը, Արթուր Խաչատրյանը, Արեգնազ Մանուկյանը, Գեղամ Նազարյանը, Զեմֆիրա Միրզոևան, Տարոն Մարգարյանը, Աննա Մկրտչյանը, Հայկ Մամիջանյանը, Տիգրան Աբրահմայանը։

Ուշագրավ է, որ ցանկում բացակայում են Թագուհի Թովմասյանի և Իշխան Զաքարյանի անունները։
Հիշեցնենք` ընդդիմությունը մի քանի ամիս է պահանջում է Նիկոլ Փաշինյանի և կառավարության հրաժարականը։ Նրանք մայիսից սկսած չեն մասնակցում խորհրդարանի աշխատանքերին։ Առայժմ հայտնի չէ, թե խորհրդի նիստը, երբ է տեղի լինելու։ Նախագիծը հրապարակվել էր ԱԺ-ի կայքում, սակայն, հրապարակվելուց քիչ անց հեռացվեց։ ԱԺ նախագահի մամուլի խոսնակը փոխանցեց, որ նախագիծը հեռացվել է տեխնիկական խնդիրների պատճառով, առաջիկայում կրկին կտեղադրվի։

Նարեկ Կիրակոսյան