15.09.2026 | 13:50
Ռուսական նավն ազդանշանային հրթիռներ է արձակել դանիական ուղղաթիռի ուղղությամբ
«3 անգամ ուժեղ ցնցվեցինք»․ 6 բալ ուժգնությամբ երկրաշարժ՝ Շիրակի մարզում
11.07.2022 | 09:16
Այսօր վաղ առավոտյան՝ ժամը 7․36-ին, 6 բալ ուժգնությամբ երկրաշարժ է տեղի ունեցել Վրաստան-Հայաստան սահմանային գոտում` Բավրա գյուղից 14 կմ արևելք, որը զգալի է եղել նաև Գյումրիում։
Գյումրեցիներից շատերի փաստմամբ, բավական երկարատև երեք ուժգին ցնցումներ են արձանագրվել։ Սոցիալական ցանցերում գրառումներից պարզ է դառնում, որ քաղաքի բնակիչներն արթնացել են ցնցումներից։
ԱԻՆ-ի պաշտոնական կայքը տեղեկացնում է․ «Սույն թվականի հուլիսի 11-ին, տեղական ժամանակով ժամը 03:36-ին (Գրինվիչի ժամանակով ժամը 07:36-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41․17⁰ և արևելյան երկայնության 43․95⁰ աշխարհագրական կոորդինատներով Վրաստան-Հայաստան սահմանային գոտի` Բավրա գյուղից 14 կմ արևելք, օջախի 10 կմ խորությամբ, 4,4 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 6 բալ: Երկրաշարժը զգացվել է Շիրակի, Լոռու մարզերում 5 բալ, Տավուշի, Արագածոտնի մարզերում 4 բալ ինչպես նաև Երևան քաղաքում՝ 2-3 բալ ուժգնությամբ»։
Արմիկ Մովսիսյան
