01.05.2026 | 10:36
Ուկրաինական ԱԹՍ-ները կրկին հարձակվել են Տուապսեի վրա. ծովային տերմինալի տարածքում հրդեհ է բռնկվել
Մոսկվա-Երևան չվերթի ինքնաթիռն արտակարգ վայրէջք է կատարել ոչ ադեկվատ ուղևորի պատճառով
10.07.2022 | 18:28
2022 թվականի հուլիսի 10-ին՝ ժամը 00:30-ին, Մոսկվա-Երևան չվերթի օդաչուն հայտնել է ինքնաթիռում ոչ ադեկվատ ուղևորի մասին և արտակարգ վայրէջք է խնդրել Սամարայում, հայտնում է Kp.ru-ն։
Ինչպես պարզվել է, օդանավում եղել է հարբած վիճակում գտնվող մի ուղևոր, որն իրեն ոչ պատշաճ պահվածք է դրսևորել, օգտագործել անպարկեշտ արտահայտություններ։
Ժամը 01:01-ին ինքնաթիռը բարեհաջող վայրէջք է կատարել Սամարայում։ Տղամարդուն հանձնել են իրավապահներին։ Նրա նկատմամբ կազմվել է վարչական արձանագրություն։
Այն բանից հետո, երբ կռվարարին ոստիկանները տարել են, ինքնաթիռը շարունակել է թռիչքը։ Տեղական ժամանակով ժամը 05:51-ին ինքնաթիռը ժամանել է Երևան։
