16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ճապոնիայի նախկին վարչապետ Սինձո Աբեի կյանքը փրկել չի հաջողվել
Քաղաքականություն
08.07.2022 | 13:26
Ճապոնիայի նախկին վարչապետ Սինձո Աբեի կյանքը փրկել չի հաջողվել․ ստացված վնասվածքներից նա հիվանդանոցում մահացել է, հաղորդում է BBC-ի ռուսական ծառայությունը։
Ավելի վաղ Աբեի կրտսեր եղբայրը հաղորդել էր, որ բժիշկները պայքարում են նախկին վարչապետի կյանքի համար, նրան արյան փոխներարկում են անում։
Հիշեցնենք՝ Ճապոնիայի Նարա քաղաքում անհայտ անձը կրակել է նախկին վարչապետ Սինձո Աբեի վրա։
Տեղական NHK հեռուստաալիքի հաղորդմամբ՝ տղամարդը ատրճանակով երկու անգամ կրակել է Աբեի թիկունքին, երբ նա ելույթ էր ունենում Նարա քաղաքում։
Հարձակման մեջ կասկածվող 41-ամյա Յամագամի Տեցույան ձերբակալվել է հենց դեպքի վայրում, նրա զենքն առգրավվել է։ Նա չի դիմադրել։
