12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Տոյվո Կլաարը հայտարարել է, որ Շառլ Միշելը շարունակելու է ակտիվ մասնակցել Հայաստանի և Ադրբեջանի միջև խաղաղության հաստատման գործընթացին
Քաղաքականություն
07.07.2022 | 12:47
Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարն ադրբեջանական Trend գործակալության հետ զրույցում հայտարարել է, որ ԵԽ նախագահ Շառլ Միշելը շարունակելու է ակտիվ մասնակցել Հայաստանի և Ադրբեջանի միջև խաղաղության հաստատման գործընթացին։
«Հուսով եմ, որ ապագայում մենք կտեսնենք Ադրբեջանի և Հայաստանի ղեկավարների նոր հանդիպումներ, քանի որ այս ձևաչափն իսկապես կարևոր է։ Ադրբեջանի նախագահ Իլհամ Ալիևին, Հայաստանի վարչապետ Նիկոլ Փաշինյանին և ԵՄ Խորհրդի նախագահ Շառլ Միշելին հաջողվել է քննարկել և առաջընթաց գրանցել մի շարք կարևոր հարցերի շուրջ։ Եվ այդ իմաստով, իսկապես, դա ձևաչափերից մեկն է, որի ուղղւթյամբ ԵՄ-ն կշարունակի կենտրոնանալ՝ առանցքային տարբեր խնդիրների լուծման համար։ Միևնույն ժամանակ, մենք շարունակելու ենք աշխատել այլ մակարդակներում ևս։ Անձամբ ես իմ թիմի, ինչպես նաև նախագահ Միշելի գրասենյակի գործընկերների հետ, անպայման համագործակցելու ենք ինչպես Բաքվի, այնպես էլ Երևանի հետ՝ բոլոր կարևոր հարցերի լուծման համար, որոնք քննարկվում են։ Մենք խոսում ենք խաղաղության պայմանագրի, հաղորդակցությունների վերականգնման, սահմանի մասին։ Կան շատ առանցքային հարցեր, որոնց լուծման գործում, կարծում եմ, ԵՄ-ն մասնակցել է ու կշարունակի մասնակցել օգնության ցուցաբերման նպատակով»,- ասել է Կլաարը։
Ինչ վերաբերում է Հարավային Կովկասում տրանսպորտային հաղորդակցությունների բացմանը, ապա նա նշել է, որ ԵՄ-ն արդեն օգնության ձեռք է մեկնել այդ խնդրի լուծման համար։
«Մենք շարունակում ենք դրանով ակտիվորեն զբաղվել։ Ես կցանկանայի նշել, որ մայիսի 22-ի ղեկավարների վերջին հանդիպմանն այդ հարցը եղել է քննարկումների կարևոր մաս։ Առաջնորդները որոշակի կարևոր պայմանավորվածություններ են ձեռք բերել, որոնք հիմք հանդիսացան անցյալ ամիս Ադրբեջանի, Հայաստանի և Ռուսաստանի փոխվարչապետների հանդիպմանը այս խնդրի լուծման վերաբերյալ քննարկումների համար»,- ասել է Կլաարը՝ նշելով, որ ԵՄ-ն կշարունակի մեծ ուշադրություն դարձնել այդ խնդրի լուծմանը։
Հավելենք, որ ՀՀ վարչապետ Նիկոլ Փաշինյանն ավելի վաղ հայտնել էր, որ Բաքուն չեղարկել է Բրյուսելում հունիսի 27-ին նախատեսված Հայաստանի Անվտանգության խորհրդի քարտուղար Արմեն Գրիգորյանի և Ադրբեջանի նախագահի օգնական Հիքմեթ Հաջիևի հանդիպումը։
Օրերս էլ ԵԽ նախագահ Շառլ Միշելը հեռախոսազրույց է ունեցել Ադրբեջանի նախագահ Իլհամ Ալիևի հետ ու քննարկել Երևանի ու Բաքվի երկխոսության՝ Բրյուսելի օրակարգի բոլոր հարցերը։
Էմմա Չոբանյան
