16.09.2026 | 13:07
Դուք ուզում եք գազը թանկանա, ուզում եք սանկցիաները ավելանան․ Թունյանը՝ «Ուժեղ Հայաստան»-ին․ ՏԵՍԱՆՅՈՒԹ
Պատգամավորները պարգևավճար են ստացել
Քաղաքականություն
06.07.2022 | 20:32
ՀՀ Ազգային ժողովի նախագահ Ալեն Սիմոնյանի կարգադրությամբ ԱԺ մի շարք պատգամավորներ պարգևավճարներ են ստացել։
«Ղեկավարվելով «Ազգային ժողովի կանոնակարգ» սահմանադրական օրենքի 5-րդ հոդվածի 2-րդ մասի 12-րդ կետով՝ կարգադրում եմ.
1. Սահմանադրության օրվա առթիվ Ազգային ժողովի պատգամավորներին խրախուսել միանվագ դրամական պարգեւատրմամբ՝ համաձայն հավելվածի:
2. Ազգային ժողովի աշխատակազմի ղեկավար-գլխավոր քարտուղար Վ.ՆԱՐԻԲԵԿՅԱՆԻՆ՝ Հայաստանի Հանրապետության օրենսդրությամբ սահմանված կարգով ապահովել համապատասխան վճարումների կատարումը»,- նշված է ԱԺ նախագահի կարգադրության մեջ:
Ազգային ժողովի նախագահի մամուլի խոսնակ Ծովինար Խաչատրյանը Factor.am-ին փոխանցեց, որ պարգևավճար ստացել են միայն ՔՊ֊ական պատգամավորները, իսկ ընդդիմադիրները չեն ստացել։ ԱԺ-ից նշեցին, որ պատճառը նիստերից բացակայելն է։
