16.09.2026 | 14:31
ԵՀ նախագահը Կանադային առաջարկել է դառնալ միության առաջին «ասոցացված անդամը»
Ինչպե՞ս դառնալ լավ տնտեսական լրագրող․ Factor TV-ում փորձաշրջան անցնող ուսանողները հյուրընկալվել են ՀՀ ԿԲ-ում
06.07.2022 | 19:30
Գների կայունացման ու գնաճի զսպման, արտարժույթ-դրամ փոխհարաբերությունների, մասնավոր բանկերի գործունեության վերահսկման, Հայաստանի Կենտրոնական բանկի կարևոր գործառույթների վերաբերյալ հանգամանալից զրույցի ու հարցուպատասխանի ձևաչափով անցավ երկրի գլխավոր ֆինանսական կառույցի ղեկավար Մարտին Գալստյանի հանդիպումը Factor TV-ում փորձաշրջան անցնող ուսանողներ-լրագրողների հետ։
«Եթե ուզում եք լավ տնտեսական լրագրող լինել, ապա տնտեսագիտությունը պետք է առնվազն լինի ձեր երկրորդ մասնագիտությունը»,- այս խոսքերով սկսեց ելույթը ԿԲ նախագահը:
«Եվրոպական մեդիահարթակ Հայաստանում. հուսալի և պրոֆեսիոնալ լրատվամիջոցների կառուցում» ծրագրի շրջանակում Factor TV-ում անցկացվող եռամսյա փորձաշրջանի մասնակիցների համար հերթական հետաքրքիր և ուսուցողական հանդիպումը լավ հնարավորություն էր` հասկանալու, թե որն է Կենտրոնական բանկի դերը տնտեսությունում, որոնք են ԿԲ հիմնական նպատակներն և գործառույթները, ինչ է ֆինանսական կայունությունը, ինչպես է ԿԲ-ն իրականացնում գնաճի կառավարումը, ինչու է կարևոր գների կայունությունը և ԿԲ-ի անկախությունը։
Հանդիպման հարցուպատասխանի ընթացքում ուսանող-լրագրողները ԿԲ նախագահ Մարտին Գալստյանից ստացան իրենց հետաքրքրող թեմաների վերաբերյալ մեկնաբանություններ։
