19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
ՀՀ-ին և Ադրբեջանին հաջողվել է մոտեցնել դիրքորոշումները տրանսպորտային հաղորդակցության վերականգնման տարբեր ասպեկտների վերաբերյալ․ ՌԴ ԱԳՆ
Քաղաքականություն
06.07.2022 | 16:22
Հարավային Կովկասում տրանսպորտի և տնտեսական հաղորդակցությունների ապաշրջափակման աշխատանքային խումբը շարունակում է գործունեությունը, արդեն իսկ որոշակի առաջընթաց է գրանցվել։ Այս մասին ասել է ՌԴ ԱԳՆ տեղեկատվության և մամուլի դեպարտամենտի փոխտնօրեն Ալեքսեյ Զայցևը՝ պատասխանելով NEWS.ru-ի հարցին։
Նրա խոսքով՝ կողմերին հաջողվել է մոտեցնել դիրքորոշումները տրանսպորտային հաղորդակցության վերականգնման տարբեր ասպեկտների վերաբերյալ։
«Հունիսի 3-ին Մոսկվայում [Ռուսաստանի, Ադրբեջանի և Հայաստանի նախագահությամբ] կայացած եռակողմ խմբի հանդիպման, ինչպես նաև Սանկտ Պետերբուրգի տնտեսական ֆորումի շրջանակում համանախագահների շփումների արդյունքում որոշ առաջընթաց է արձանագրվել, հնարավոր է եղել մերձեցնել կողմերի դիրքորոշումները տրանսպորտային հաղորդակցության վերականգնման տարբեր ասպեկտների վերաբերյալ։ Ինչպես գիտեք՝ քննարկվում է նաև տարածաշրջանում երկաթուղային և ավտոմոբիլային հաղորդակցության գործարկումը՝ Ադրբեջանի, Հայաստանի և նրանց հարևանների շահերից ելնելով»,- պարզաբանել է Զայցևը։
Դիվանագետի խոսքով՝ աշխատանքի արդյունքների մասին առանձին կտեղեկացվեն համանախագահները պայմանավորվածություններ ձեռք բերելուց։
Ավելի վաղ էլ ռուսական «Իզվեստիա»-ն, վկայակոչելով իր բարձրաստիճան իրազեկ աղբյուրին, հայտնել էր, որ Ռուսաստանն օգնել է Ադրբեջանին և Հայաստանին համաձայնության գալ, այսպես կոչված, «Զանգեզուրի միջանցքի» մայրուղու շուրջ, և մնում է միայն համաձայնեցնել 6 կմ երկարությամբ փոքր հատվածը։ Պարբերականի զրուցակցի խոսքով՝ ռուսական «Автодор»-ը կօգնի ավարտին հասցնել երթուղու համակարգումը, ուշացումը պայմանավորված է լեռնային տեղանքով։
Տաթև Ֆռանգյան
