26.08.2026 | 17:45
18-ամյա ֆուտբոլիստը 100 միլիոն եվրոյի դիմաց տեղափոխվեց «Մանչեսթեր Սիթի»
Հայ գերիներին ազատելու կոչով նախաձեռնություն Ադամ Շիֆից․ ՀՀ կժամանի Իրանի ԱԽ քարտուղարը․ Լուրեր
Քաղաքականություն
06.07.2022 | 12:45
- ՀՀ ՊՆ-ից հերքում են Ադրբեջանի ՊՆ հայտարարությունը, թե իբր հուլիսի 5-ի լույս 6-ի գիշերը ՀՀ ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված ադրբեջանական դիրքերի ուղղությամբ։ ՀՀ ՊՆ-ից տեղեկացնում են, որ իրադրությունը հայ-ադրբեջանական սահմանին հարաբերականորեն կայուն է։
- ԱՄՆ կոնգրեսական Ադամ Շիֆը ներկայացրել է լրացում 2023 թվականի ԱՄՆ բյուջետային տարում Ազգային անվտանգության հատկացումների ակտին, որով Ադրբեջանին կոչ է արվում անհապաղ ազատ արձակել հայ ռազմագերիներին ու քաղաքացիական անձանց: Այս մասին տեղեկացնում է Հայ դատի ԱՄՆ հանձնախումբը:
- Հայաստան կժամանի Իրանի ազգային անվտանգության գերագույն խորհրդի քարտուղար Ալի Շամխանին: Վաղը սկսվող այցի շրջանակներում նախատեսվում են հանդիպում ՀՀ վարչապետ Նիկոլ Փաշինյանի հետ, ինչպես նաև աշխատանքային քննարկումներ երկու երկրների ԱԽ քարտուղարների միջև:
Այս ժամի լուրերը՝ տեսանյութում։
